Yohanes 16:17 - Allahle a neme heteungekoke homofae

¹⁷ Nebei a ma borowatene Yesus na moisa orowate hiwa yo naeise naeise hinate, “Neyae nda a eleukoke, ‘na heki ban mo Raei be ijoko mayae ereiboi benen ya na heki ban mo benen Raei be ijoko mayae enserembe,’ nane merau, ‘Reyae Maekole bokore erelere.’ Rahe mekaibe elele ban?”

Yohanes 16:17 Referans Kwoze

Yohanes 16:16

Ya na heki ban mo erelerene, Raei be ijoko mayae erei nekembe, nane merau ya na heki ban mo mayae benen Raei be ijoko enserembe.”

Yohanes 16:5

Nebeibe nda hee Rare ukeufe mekale Kiyaele bokore erelere. Mai nolona hi yae Rare ehineisi, ‘Makeise weyae elere?’

Markus 9:32

Yesus Naei mekai haraungeboke uwoumilere, na moisa orowate yo onewate handawate. Nebeibe a hinenainyehindere fe yae kowainyele.

Yohanes 16:19

Yesus naeisaei nda yo onaeitene kena kate Nare hinenainyehindere. Nebeinye Yesus yae weumi, “Reyae a eleukokale, ya na heki ban mo Raei be ijoko mayae eyerei nane merau ya na heki ban mo benen Raei be ijoko mayae enserembe. Nebei a haraungebokale wamalebe mai nolone hi yae hire hineunge?

Yohanes 14:5

Tomas yae weunge, “Tuhan, Weyae ele anuwau meyae maeisaei ban sele lonbe. Naendae mekai yae nebei anuwaufe eke nibi meyae isaeimabonde?”

Yohanes 12:16

Nebei hee Yesus na moisa orowate yo nda bewatere u bene orowei kowate. Nebeibe Yesus herekera meke benen bumane ike heera wa u bene nekaimihike, na hele nebei ro miyae yae ei molowainyere nemene fomene Allahle homofaene Naei naeise molaikoke honate.

Lukas 18:34

Yesus nebei a merau elewokere na moisa orowate yo hi yae ha yae isaeyeiboi. Na mekai harawounge nebei yore felewoumi, onewate rahe abe elewole.

Markus 9:10

Yesus nebei a hun raumihikene neyae ro miyae hiware ehuwei mo nekayeke. Hokolo name na mo-mo roiboyate yae wa eisinewate naendae mekaise Yesus nulu yo mahe yora annundere eleukoke.

Yohanes 16:1

“Raei wali nibira wemembe belene, nane a nemene Reyae huwamale.

Yohanes 14:22

Yudas Iskariot nakobae Yudas yae Yesusre hineunge, “Tuhan, rahebe bewatene nda kani kelana wali beko nibine orate ro miyae Wauwa eyakaiboi, maere mo yakaumebondere?”

Lukas 9:45

Nebeibe na moisa orowate yo nebei a eleukokere ka yae raneumibokene onewate handawate nane merau benende hinenainyehindere buhae yae hokowoumi.

Yohanes 16:18

Na hibi mo nda yo naeise naeise hinate rahe naeibe Yesus yae a yae haraungeboke weume, “Ya na heki ban mo.” Neyae onaete hele.