Yohanes 14:9 - Allahle a neme heteungekoke homofae

⁹ Yesus yae weunge, “Filipus, heki hele maengkele nanembaisa orandeke nebeibe Rare oroiboi a lon mae weyae eleyae! Nde yae Rare ijoko ereufekokena nebei kiyae Ako Allahre ijoko erekeunge. A koro mahi lon weyae warae, ‘Ako Allah maere keleimebo!’

Yohanes 14:9 Referans Kwoze

Kolose 1:15

Ro miyae ijoko ereiboi sului Allah Nauwa mbai Kiyae Yesus Niyae. Yesus na bena Kiyae yeuboke, Naei anuwau buma reufina, nuleuboke rambun nemene fomene ana mo,

Yohanes 12:45

Nebei kiyae Rare ijoko erensele heene, Rare ukeufe mekale Kiyaere nane merau ijoko erennele.

Yohanes 14:7

Rare ro raufeboube yae mayae nane merau Maekore ro raungeboube. Nda heera mayae Maekore ro raungeboke nane merau Nare eraungeboke.”

Ibrani 1:3

Naei Kelu Allahle nene waewae mbai nane merau Allahle u mekai bele nekele. Rambun nemene fomene Na Kelu elae bele wake bele a elele yae hara nekeunge. Neyae Ro miyae naei beko bako faeinyemmibonde naei nibi mokoubokera Allah surgana nene waewae bele Kiyae Na meube reufine eunguweuboke.

Yohanes 10:30

Rangkele Maekole nanembainye nekende.”

Yohanes 1:14

Yesus, Allah Naei a elele Kiyae, ro miyae uware yeuboke, aei u nolo u kainye nekewole. Ako bele Kelu nene waewae eyae ijokore eranneboke Kiyae. Naei Ako Allahle bokora meke, ro miyaere kena buhae u buhae aere ban mae heumi, Naei na hele wali nibire keleumi.

Filipi 2:6

Naendae mekai horo Yesus na hele Allahbe, nebeibe Allah bele mbai u mekai na hibi hononnelere erelei, nebeibe karo yae eleukoke.

Yohanes 14:20

Nebei hee yae mayae isaeyembombe Reyae Maekole einye nekale nane merau mayae Raei einye nekaube, Reyae maei einye nekale.

Markus 9:19

Yesus nebeinye hebate yore weumi, “Mayae nda heena nekaube ro miyae hila ban rabo ban yo! Naendae mekai horo lon mangkele heki hele orowandebe, mayae Rare hila rabo ehalei sele. Nane merau kena beko hele hubanale, rabuhine ban mai naeise heki hele kena yae heraweumekale.” Nebeisa nebei yore weumi, “Nebei fa yawennoho meu!”

Lukas 12:56

Mayae maisaei nda kani kelara nane merau yakura ya mehinin alu mehinin kolaungebe, nebeibe Raei me u mokalere mayae isaeyeiboi, nane merau Allah meraufe raungehike hee Naei holona ro miyae Raei me kelee u keleene nekenate ya nobeungeboke mayae isaeyeiboi.

1 Korintus 15:12

Nebeibe Yesus Wali Ondofolo nulu yo mahe yora aunguke naei a huwayembe lonbe, mai nolona ro miyae hiwa yo yae elate nulu yo mahe yore ate yo benen ainyui sului naei a na hele ban!

Yohanes 8:19

Are weumi yo yae wainye, “Waei Ako makeinye nekele?” Yesus yae weumi, “Mayae Rare onaeufena, Maekore nebei sului onaeunge. Rare mayae raufeboube yae nebei sului mbai mayae Maekore raungeboube.”

1 Yohanes 5:20

Nane merau eyae isaeyaendeboke Allahle Kelu meke, eyae Allah na hele no Kiyaere romambondere isaei ikeume. Aengkele Allah bele Na Kelu Yesus Wali Ondofolo bele Nangkele mbainye nekemale. Wali Ondofolo Kiyae Allah helebe yeuboke, ro miyaere wali hena bona yemmile.