Yohanes 13:34 - Allahle a neme heteungekoke homofae

³⁴ “Reyae nda a eme mare ufembe, maise naeise kena buhae u buhae eise meise hembe. Reyae mare heyamale wanen mbai maise naeise hemmiyembe hele.

Yohanes 13:34 Referans Kwoze

Efesus 5:2

Yesus Wali Ondofolo mare kena buhae hengkokembene Allahre hili era akau era fololo bele wanen mae aei aerene Nenaeijae Naei uwa kinyeungeboke. Nebei wanen mbai maise naeise kena buhae u buhae hemembe.

Yohanes 15:17

Nda a Reyae elae yae wamale, maise naeise kena buhae hennele.

1 Petrus 1:22

Wali Ondofolo na hele wali nibi are hubara haeisa yaneimeyaube walora mai kena ure yolo-yolo mokowaunge nane merau Yesusle einye aka baekere na hele kena buhae hemmile. Nebeinye, maise naeise kena u eisa kena buhae kaban mae hemembe.

Galatia 6:2

Ehee bele rambun eisako meisako yae fomammiyembe. Nebei mekai yaere Yesus Wali Ondofolole wali heere foloukoke mayae hakoyaunge.

1 Yohanes 3:23

Nda a niyae Allah ukeume eyae mokomalere: Allah na Kelu Yesus Wali Ondofolore raneujeke na hele elemale hele, nane merau Naei a ukeume hului kena buhae u buhae aeise naeise hemale hele.

1 Yohanes 4:21

Nda a Yesus Wali Ondofolo yae aere ukeume mokomalere: nde yae Allahre kena buhae hennele, naei aka baekere nebei sului mbai kena buhae u buhae hemmile hele.

Yakobus 2:8

Allahle homofae einya molaikoke Musale walora wali heere foloukoke a na yo me yan mere mokouboke kiyae nda niyae: “Mai uware haeunge wanen mangkele ya-ya wali nibi mbainye oraube ro miyaere kena buhae hemmile.” Nebei u mekai mokombena, mayae na ijenbe mokaube.

1 Tesalonika 3:12

Nane merau meyae ebeli bannele, mare kena buhae haeyembere emerei-emerei emerende wanen mae Allah mare mokonembombe maeise naeise ro miyae nemene kena buhae hemmilere emerei-emerei emerende.

Roma 12:10

Ako nake mbainya aka baeke wanen mae maise naeise kena buhae u buhae hembe nane merau mere mokayembe holo wanen ei hawemmile.

2 Yohanes 1:5

Nebeinye reyae mare jemaat wamale maise naeise kena buhae u buhae hemembe. Nebei wamale a eme ban, na beme fomere Allah yae ukeume a faeu boraukoke ma mbai mo honoimeyele.

Galatia 6:10

Nebei aerene, wali namman nekande hee yae, men, aei me foi u foi ro miyae nemene mokomamile. Na kaban sele aei aka baeke Yesusle einye mbaise yaendeboke yore mokomamile.

1 Yohanes 3:11

Yesusle a faeu na bere hele huwoumbera mayae nda abe boraukoke, “Eyae kena buhae u buhae aeise naeise hemale.”

Ibrani 13:1

Maise naeise ako nake mbainya aka baeke wanen mae mai kena buhae haeube hole molonnele.

2 Tesalonika 1:3

Aka naei baeke naei, maei baka ranna huluinye roko helen Allahre ebeli einye mai naeise helen foi weyannele, rabuhine ban mai hila rabo Yesusre haleyaunge emerei-emerei emereyembe, nane merau maise naeise mai ure-ure kena buhae hei-sei emerei-emerei emereyembe.

Galatia 5:22

Allahle Roh yae keleumi mokate u mekai nda niyae: kena buhae u buhae, rei mai, kena foi u foi, kena hebaen u hebaen, a kena han kena ban, u foi wa foi, rabo halei-salei,

2 Petrus 1:7

Allah kenare kole hului nekemembe yae Yesusle einye aka baeke ware kena buhae hemmiyembe; Yesusle einye aka baeke ware hemmiyembe yae ro miyae nemene kena buhae hemmiyembe.

Kolose 1:4

rabuhine ban meyae borandekoke aei Tuhan Yesus Wali Ondofolore hila rabo haleyaungele nane merau Yesus Naei eleuboke wekeumi ro miyae nemene kena buhae heyaumile.

Galatia 5:6

Ro miyae Wali Ondofolo bele mbainye nekate yo ro uwa elande folate era hena hakomakonde, ehakoikoi nebei rabuhire eyeiboi. Na kaban sele Yesus Naei a elelere hila rabo haleyannene, ro miyae hiwa yore kena buhae u buhae haemmire, me foi u foi walora kelemamile.

Yohanes 17:21

nebei yo nanemene mbaise inyaibondene. Nda kani kelana wali beko nibine orate ro miyae na hele yae elenate, ‘Weyae Rare ukarae nda kani kelare mekale’ naeise, Arai Weyae Raei einye nekeyae Reyae Waei einye nekale wanen mbai nebei yo bele Aei einye nekenatere waeimihi.

Matius 5:44

Nebeibe Reyae wamale, ma yokeijore buhae hemmiyembe, nane merau ro miyae mare weitasi koyayembe yore Allahre riyennehimbe onomi foka yae ei hawemmile.

Roma 13:8

Hiwa yo naeinya rambun yaroyaube na hibi yae ahemembe. Kena buhae u buhaebe hi yae hire na hibi-hibi hennele, rabuhine ban ro miyae na ya-ya wali nibi mbainye orate ro miyaere kena buhae u buhae hemmile yo, Musale walora wali heere foloukoke a nanemene hubara haeisa yanaunge.

Roma 13:10

Ro miyae ya-ya wali nibi mbainye oraube yore kena buhae u buhae bele heumi kiyae yae nare u mekai beko yae omokoyeinye, kena buhae heyaimi ro miyae yae Musale wali heere foloukoke a nemene mokaikoke.