Yohanes 13:33 - Allahle a neme heteungekoke homofae

³³ “Mayae Raei kelu omi wanen yo, Reyae mangkele heki enekeikoi sului. Mayae Rare baensekombe, nebeibe Reyae Yahudi ro miyaere weumikokale a mbaibe benende mare wamale, Reyae erele anuwau mayae nebeise emei sului.

Yohanes 13:33 Referans Kwoze

1 Yohanes 2:1

Raei kelu omi yae me baemale yo, mayae u mekai beko omokoi nekembe naeise nda homo moloukokale. Nebeibe mai nolona ro miyae hi beko einye ruwendena, aei aerene oleyele Kiyae na Ro Yesus Wali Ondofolo wali himaloungeboke Kiyae hakommele. Nebei Kiyae yae aei beko mokandebokere faeinyemmebonde naeise Ako Allahre riyennehinde.

Yohanes 14:19

Na heki ban mo nda kani kelana wali beko nibine orate yo Rare benen ereiboi, nebeibe mayae na hului Rare enserembe. Reyae wali hena bona bele nekalene, mayae nane merau wali hena bona nekemembe.

1 Yohanes 5:21

Reyae buhaere haemale kelu omi, hoime bahe yoni-yonire ei omoloijae.

1 Yohanes 4:4

Kelu naei omi naei, mayae Allahle holona ro miyaere yaendeboke. Nane ame-amere kelaeimi yenjo kayaayore melaumihake, rabuhine ban Allahle Roh mare aubokembene. Allahle Roh elae bele, nda kani kelana wali beko nibine orate ro miyaere aumiboke roh elae ban.

Galatia 4:19

Kelu naei omi naei, mai aerene miyae fare honondere rakele ma raei u bulu wa bulune u buhae benen hubanale, rakerende, Wali Ondofolo Naei u mekai wa mekai mai wali einye bende yakandere.

Yohanes 7:36

Neyae nda a eleukoke, ‘Eyae baemandebe ehubaikoi sului’ nane merau ‘Reyae erenekende anuwau mayae ei sului.’ Nebei a rahe mekai?”

Yohanes 13:36

Simon Petrus yae Yesusre weunge, “Tuhan, Weyae makeise elere?” Yesus yae weunge, “Reyae erele anuwau nda hee weyae Raei moisa ehakoiboi sului. Nebeibe bena ya fokehonole Raei moisa eufehakoubonde.”

Yohanes 14:2

Maekole imae ei obe ei nekei-nekei anuwau helen ekaisonate. Nebei anuwau u yae rahe londe Reyae a yaka faeu yaka yae mare wemele? Mayae ennekembe anuwau mokoisaise Reyae Maekole bokore erelere.