Yohanes 1:48 - Allahle a neme heteungekoke homofae

⁴⁸ Nataniel yae Yesusre weunge, “Weyae naendae mekai yae raei u mekai ma roufebokae?” Yesus yae weunge, “Filipus ware ekaeneikoi hee, Reyae na bere erekawale weyae ara no keleene nekeyae.”

Yohanes 1:48 Referans Kwoze

Yohanes 2:25

Ro miyae naei u mekai mbemba mbemba Yesusre ehuweikoisebe, nebeibe ro miyae naei u mekai Yesus naeisaei. Rabuhine ban nebei ro miyae naei kena ei bele Yesus ninae isaeyeubokene.

Matius 6:6

Weyae Allahre ebelire boungehinde hee, wa u mbai yae yowa eise eweufinde, romau ahuneukonde, Arai ereiboi Kiyaere ebeli boungehinde. Wa me u nunne mokoyaere waei Arai yae erete nane merau roibu inyete.

1 Korintus 14:25

nane merau na kena ei u einya nunne heraweweke honayeke rambun yoni-yoni na yakane menaiyakande. Nebeinye be are nende, Allahre ei molonnele, nane merau na hele yae enelende Allah mai u nolo u kainye nekele.

1 Korintus 4:5

Nebeinye Tuhan mende ya namman mae, mayae ro miyae hiwa naei walire mehinin okoloijae hele. Tuhan mende yane ouben nolone u mekai beko felaimiyeke honayeke yoni-yoni Neyae a yakane mokommibonde, nane merau kena u einye meraufe kolainyeke u mekai nebei sului yae harainyeke yoni-yoni Neyae memmiyakambonde. Nebei hee yae wa Allah ro miyae hiwa naei uwa emmikaende ((hiwa ehee bukulu emmihayende)).

Matius 10:3

Filipus, Bartolomeus, Tomas, Matius pajak arileweke kiyae, Yakobus Alfeusle fa, Tadeus,

Yohanes 1:44

Nebei Filipus Batsaida yona ro, nane merau Andreasle Petrusle naei yo mbai.

Yohanes 6:5

Yesus ijoko erele bae ro miyae helen Nare baeimeyainye yo Naei bokore matene, Filipusre weunge, “Ro miyae nanemene anenaikonde naei makeinya roi yae feu yaromakonde?”

Yohanes 6:7

Filipus yae weunge, “Roi 200 dinar yae yarandekoube feu hului nda ro miyae hokoimeyelere na hului ban, naendae mekai horo nanemene anenaikonde naeise feu ebimbin mae wahaemmile.”

Yohanes 12:21

Filipus Galilea kanina Betsaida yona ro nebei yo mekate mo wainye, “Aka baeke, meyae kena haehae hele kande Yesus Naei hubaimakondere.”

Yohanes 14:8

Filipus yae weunge, “Tuhan, Ako Allahle uwa maere kelemebomae. Nebei na hului yae elande.”