Yakobus 4:9 - Allahle a neme heteungekoke homofae

⁹ Nebei u mekai beko mokaukokera uwa olomombombe, mehi hako nana hesele folombe, ijoko ibo bele yae balenayembe. Rere haraweke u mekai bennehombe rime yae rimembe. Nane merau rei maise kaweke wali bennehombe kena beko u beko yae yembombe.

Yakobus 4:9 Referans Kwoze

Matius 5:4

Ro miyae naei u mekai beko mokoyelera roiboyeungene kena beko koyele kiyae onomi foka hubannende. Allah nebei holonare kena foi u foi mokommikonde.

Lukas 6:25

Mayae nda heena kuikui maemae bele honoimeyayembe yo beko hele hubannembe, rabuhine ban moni mai ennehubambe. Mayae nda heena re are koimeyaube yo beko hele hubannembe, rabuhine ban kena beko yae rime a yae engkombe.

Lukas 16:25

“Nebeibe Abraham mae weunge, ‘Kelu, bene nekayete, wa wali heki foi yoni-yoni nemene ninae hubawekae, Lazarus yae bekobe hubawounge. Nda hee neyae ndane foi mekeufubaunge, weyae beko mekaehubanae.

Lukas 6:21

Mayae nda heena monire kaube yo Allah mare narenembe uwa rembombene, onomi foka hubannembe! Mayae nda heena rimere are kaube yo re ensarengkombene, onomi foka hubannembe!

Matius 21:41

Nda yo yae wainye, “Nebei u mekai bekore mokaiboke yore hongkonde beko mokommibonde, nebeisa nane anggur heke mokowate hiwa yore kinyeumibonde. Nebei yo yae anggur anire na rokone baei nebei rowa bele enaiwahende.”