Yakobus 4:14 - Allahle a neme heteungekoke homofae

¹⁴ Nebeibe wahena ya mai waline benate yakanate naei maisaei ban sele nekaube. Aei wali rahe ma yae elaube? Nda wali nekande ongkou wanen manemfa fere yakauboke erannele mo, nebeisa na hibi hele nundeuboke.

Yakobus 4:14 Referans Kwoze

1 Petrus 1:24

Rabuhine ban Allahle homofaene nda mekai yae molaikoke, Ro miyae nanemene hun hobo wanen. Nane merau uware kitaimiboke rore royaimile yoni-yoni nanemene hun hobo arokou wanen. Na heki ban hele hun hobo kalatene, na arokou bele otate balate.

1 Yohanes 2:17

Nda kani kela bele wali beko nibi nundenayende howalenayende nane merau ro miyae herenate heene nda kani kelana rambun yoni-yoni rabuhi ban inyaibonde. Nebeibe ro miyae Allah kenare kole huluinye wali nekenate yo wali huba ban haei ban nekenayende.

Yakobus 1:10

Eba bele he bele ro miyae nane merau rei mai kon, rabuhine ban mayae eba bele he bele hororebe yebaei bubaei ro miyae yae nekaube. Hun ban wai ban ro miyae bele mangkele Wali Ondofolole wali nibine oraube. Yesus Naei a elelere hakaube aerene Allah mare ro bele ro miyae yae me baeyembe. Eba he bele ro miyae hun hobo arokou wanen herenate.

1 Petrus 4:7

Nda kani kelana rambun yoni-yoni naei huba mokoikoi ya meungenobeukoke. Nebeinye, mayae na hului Allahre ebeli bonnele naeise u bene foi yae nekembe nane merau mauwa kayaa foi hebemembe.