Yakobus 4:1 - Allahle a neme heteungekoke homofae

¹ Aka naei baeke naei, rahene mai nolone kena ikele kaube, han oyeiboyaube haube? Nebei naei sele mai kena ura! Mai bekore kena haehae kaubere harambe elae yae mai kena une releungele u mekai beko mokombere.

Yakobus 4:1 Referans Kwoze

1 Petrus 2:11

Reyae kena buhaere haemale aka baeke, nda kani kela mai kani hele ban, nebeibe kolo ro miyae nane merau ele melere oroyate ro miyae wanenbe nekaube. Nebei aerene reyae mare moi huramale nda kani kelana wali beko nibi naei rambunde kena haehae hele mokombere koyaubera mai uwa wemembe. Nebei rambun yoni-yoni mai kena une han fela wanen mae relainyele.

Galatia 5:17

Rabuhine ban, mai u mekai bekore kena haehae koyaube bele Allahle Roh yae elele bele isohi-sohi. Allahle Roh aerene mai u mekai bekore kena haehae koyaube huluinye mokombombere kabeikoyaunge. Mai u mekai bekore kena haehae koyaube aerene Allahle Roh Naei a elelere na hibi-hibi hakombere kabeikoyaunge.

Roma 7:23

Nebeibe reyae hubanale wali heere foloukoke hi yae elae hele raei u bene wa bene einye releimeyeunge. Nebei wali heere foloukoke yae raei kena une foi mokorele yoni-yoni heraweyeumi, nane merau raei uwane bekore kena kalere haraufe elae na yebaei bubaei yae mokoyeufe.

Roma 8:7

U mekai beko naei u bene nekaimi ro miyae Allah naei yokeijo nekate, Allahlena wali heere foloukoke huluinye ehakoiboi nane merau ehakoiboi sului.

Yakobus 1:14

Nebeibe ro miyae u mekai beko yae wabeisiyeunge eituwele kiyae nebei ro miyae nenaeijae na bekore kena haehae kole mokondere elae yae yoboiboyeunge nane merau aefoyoungene.

1 Petrus 1:14

Mai wali Allah kenare kolere mokate kelu omi wanen mae nekembe. Mai wali na bere hele Allahre onewaunge, kobu yae felembokembe, bekore kena haehae hele kawekene mokaweke, wali huluinye benen enekeijae hele.

Kolose 3:5

Nebei aerene mai uwa nda kani kelana nekaube na u mekai beko nda wanen menaeijae hee roromembe: yoko kaeimae, wali niki belere u bene nekayembe, kena bekore haehae koyaube me u, bekore kena kaube, rambun yarombere kena haehae kaube (rabuhine ban nda wanen mokombombena, hoime bahe wanen ei moloi-moloise yembonde).

2 Petrus 3:3

Mayae isaeyembombe, huba mokoikoi heene ro miyae hiwa na bekore kena haehae koyatere mo hakonate u mekai ma yo yakanaibonde. Nda yo mare aukaka yae konayembe,

Yakobus 4:3

Nebei rambun naeise Allahre riyeyaunge hororebe nebeibe mayae erowei, rabuhine ban u bene beko yae riyeyaubene. Mai merau kolaunge Allah inyembe rambun nda kani kelana yukaei yoni-yoni mo yarongkombe mai kenare molonembombere.

2 Petrus 2:18

Nebei yo a bangka-bangkare na ukaei bele yae huwaimi, ro miyaere a keleyaimi na bekore kena haehae koyate hului mo nekenate. Nebei a keleyaimi walora ro miyae manemfa hele wali beko nibine orate yo holora wekate yore muli yoboyaimile.

Titus 3:3

Na bere hele aei wali u mekai kobu heene nekewande nda wanen: ro miyae hiwa naei are oboroyei ehakoyei, hiwa yo a ame-ame yanaimeke, aei bekore kena kowande nane merau nda kani kelana foi bele yu bele erande rambun aei walire ikileumekoke, ro kelai miyae kelai hiwa na waline beko benate me u mokowande, ro miyae hiwa yo naei rambun yaromakondere kena haehae kowande, ikele aeise naeise kowande.

Titus 3:9

Nebeibe a bangka-bangka, han hoi-soi a ma eleijae. Abu naei arai naeitena yo mei-mei huwate aerene bele, Musale walora wali heere foloukoke aerene bele a ekileijae. Rabuhine ban nebei mekai a kileyate yae foise eyei, rambun foi omokoiboi.

Roma 7:5

Rabuhine ban aei bekore kena haehae kandere haraime elae na me kelee u keleene nekewande hee, Musale walora wali heere foloukoke a moi hurewoume nebei elae hului nekewandene, eyae Allah bele wahaendekoke.

Matius 15:19

Rabuhine ban kena eisa u bene beko, ro miyae hoi-soise, yokore kaeimaere, yokore, ame-amere, aukakare, baleimeyate.

Yohanes 8:44

Walobo yun kiyae mai ako! Nebeinye mai ako yae kena kole huluise mokombere kena haehae hele kaube. Na bere hele mai ako walobo yun kiyae ro miyae hoi-soi ro, nane merau Allah ukeunge na hele are ehakoiboi nekeimeyele. Naei uwana na hele naeise une. Neyae ame-ame nore yeuboke. ((Ame-ame bende heene na afaeu fele yelewole,)) rabuhine ban neyae ame-ame naei akone.

2 Timotius 2:23

A kobu-kobu naeise a ekileijae. Rabuhine ban waeisaei sele nebei a kobu-kobu kilenatera hande na hului honate.