Wahyu 8:7 - Allahle a neme heteungekoke homofae

⁷ Malaikat mbai nendo amin waku wanen rambun raneuboke bele, ya es ruka ma hayele, i ha bele alaeinyeboke nda kani kela rande hekelewate. Nda kani kela fo name bele o ha fo name bele hun hobo buyae-buyae kate nanemene hukelaikoke baeufoke.

Wahyu 8:7 Referans Kwoze

Wahyu 9:4

Nda yore a herawoumi, “Nda kani kela ranna ke hun hobo, o meleme, o ha beko omokoijae. Nebeibe ro miyae na feline Allahlena meterai u yore mo beko mokonaimile.”

Wahyu 9:18

Nda yo bei yan bei i bele ongkou bele belerang bele kuda yoni-yoni euwara baleimeyate yae ro miyae fo name howaiboke.

Wahyu 9:15

Nda malaikat keli nda hukai, ya, oko, ralo yakamane relahi yae mokainyehake, nda kani kelana fo name na ro miyaere honaikondere hayaeimikoke.

Wahyu 16:21

Ya ruka es wanen woke na hekaei 50 kg yakura ruke nda kani kelana ro miyaere herauwole. Nebei yo bei yan bei ya ruka es wanen na elaekei sele molowolene, nebei ro miyae Allahre olomo yae rorowainye.

Wahyu 16:2

Malaikat mbai nendo eke, ebe einye rambun nda kani kelare rileuboke. Nebeisa ro miyae obo yoku kiyaele iwau wae baimikoke yo nane merau na be yoi ma mokaiboke ei molowaimi yo nauwane u koukou ferewate, u nenere koi-koi ma erewaimi.

Wahyu 12:4

Yakuna findelau yoni-yoni fo name alaka reme yae aweumi yobole nda kani kelare hekelewole. Nebei alaka wanen kiyae nda fa hononde mo na hibi hunengkonde naeise, honondere kole miyae na bene hebele.

Wahyu 6:8

Reyae erale kuda mbai na ma bu baembaem yangko-yangko foloinye-foloinye. Na ranne hebeunguke kiyae na rohere, nulu yo mahe yo na moisa hakoungeboke. Nda kani kela fo keli hele ramiyaeli yae, moni yae mai yae, yo bei yan bei yae, obo yoku ham bele yo yae, ro miyaere honate elae nare kinyeumiboke.

1 Petrus 1:24

Rabuhine ban Allahle homofaene nda mekai yae molaikoke, Ro miyae nanemene hun hobo wanen. Nane merau uware kitaimiboke rore royaimile yoni-yoni nanemene hun hobo arokou wanen. Na heki ban hele hun hobo kalatene, na arokou bele otate balate.

Yakobus 1:11

Hun hobo arokou hu naume yae nekeungene na arokou otaikoke nane merau na baengko fereisayeunge kiyae bele nundeiboyate. Nebei sului mbai eba bele he bele holona yo humfo wamfone konate hee yae herenate.

Wahyu 7:1

Nebeisa reyae erale malaikat keli hele nda kani kela na huba keline hebaiboke. Neyae nda kani kelane, bu yaunge, o hane, nda kani kelana alu boye keli erawei naeise hunde ranainyehindere.