Wahyu 7:10 - Allahle a neme heteungekoke homofae

¹⁰ Nda yo a elaekei sele yae kaenate, “Aei Allah kendan wameranne nekele Kiyaele nane merau Domba Kelule aere hole moleimeboke.”

Wahyu 7:10 Referans Kwoze

Wahyu 19:1

Nebeisa reyae borale ro miyae helen mae elate a wanen surgara nda a kaenate, “Allahre na bumane hele kaemande! Aei Allah holere moloumeboke Kiyae na mekai sele Neyae nene waewae bele elae wake bele nekenende,

Wahyu 12:10

Reyae borale a mbai surgara elaekei yae kaenele, elele, “Nda naei hee niyae: Allah Naei holona ro miyaere holere moloumiboke, Naei me einye mo yaeiboke elae wakure keleumiboke, Naei yo waku mere mokondere raneujeke, nane merau Neyae oro umaufe heraungeboke Wali Ondofolo one hengko bele kiteungeboke. Rabuhine ban aei Wali Ondofolo einye aka baekere Allahle ro be ro yoinye reniai rai ahumbo-ahumbo koumiyeke kiyae surgara hukainyehikene.

Wahyu 22:3

Allah yae olomore neungeboke rambun nebei yo einye u. Allah bele Domba Kelule kendan wameran nebei yone hononende. Allahle kaliare mokate yo nebei yo yanne Naei kaliare mokonate.

Efesus 2:8

Allah na kena buhae aere ban mae hewombe yae Yesus Wali Ondofolo Naei a elelere hila rabo halaeunge walora mai wali hole molombokembe. Nebei rambun Allah Nenaeijae mokouboke, mai me u mokowaubene ban.

Yohanes 1:29

Ya heuboke mo, Yohanes erele Yesus naei bokore mele. Nebeinye hebate yore Yohanes yae weumi, “Erenne, ndi Kiyae Niyae Allahle Domba Kelu. Nda kani kelana ro miyae naei beko bakore faeinyeiboi naeise nda Kiyae mele naei wali yae kinyembondere.

Wahyu 21:5

Kendan wameranne nuweuboke nekele Kiyae yae elele, “Eren, Reyae rambun nanemene mokamaele nemere mo yaeiboke. Raei a elale homone moloiko, rabuhine ban nda a yoni-yoni na hele nane merau rabo ensalembe.”

Lukas 3:6

Allah ro miyaere hole molommibonde nibire nda kanina kelana ro miyae nemene na ijoko yae erenate.’ ”

Wahyu 5:7

Nebei Domba Kelu kendan wameranne nekele Kiyaele bere yae eufebeunguke homofae olaeinyekoke na me meube reufine honolere mo rouke.

Wahyu 4:6

Nane merau nebei kendan wameran honole bene bumoko kaca wanen yolo-yolo renden yale kristal wanen. Kendan wameran nolo etemetena heme keline Allahle yebaei bubaei keli nauwa obo yoku ma yo, bene moinye ijoko bele mo.

Yohanes 4:22

Mayae Samaria ro miyae nendon rore oroiboi Allahbe ei molaunge. Meyae Yahudi ro miyae eise molannele Allah meyae rore rannele Kiyae, rabuhine ban Yahudi naei nolora aere hole molommele Kiyae mekene.

Yohanes 1:36

Erewounge, Yesus na bera mewole mo, weumi, “Erenne, ndi Niyae Allah Naei Domba Kelu Kiyae!”