Wahyu 3:11 - Allahle a neme heteungekoke homofae

¹¹ Reyae na heki ban mo merele. Hi yae ha yae mai wali hena bona me buhae einukeisai naeise, mare kelewayembe are me bobo ikilennekombe, nebei suluinye hakomembe.

Wahyu 3:11 Referans Kwoze

Yakobus 1:12

Ro miyae kena bekore mokonnele rambun yoni-yoni menainyehubande heene kena yae heraweubonde na hibi-hibi Wali Ondofolole a weunge hului yae mokondena, nebei ro onomi foka hubanainyele. Rabuhine ban Allah are heteungekoke hului ro miyae Nare buhaere haeinyeke yore wali hena bona yae me buhaere inyemile. Nebei sului mbai Wali Ondofolole a weumi hului mokate ro miyae naei kena bekore mokounge rambun bele baensondera Allah yae wali hena bona me buhaere inyemile.

Wahyu 22:12

“Eren, Reyae na heki ban mo Raeinya roibu bele roufemende. Ro miyae me u mokowate huluinye Raeinya roibu waheremikonde.

Wahyu 2:10

Beko yoni-yonira hubannele naeise buhae ohokoijae. Eren, walobo yun mae umalire hubanensimbe naeise, mokonnebonde mai u nolo u kaisa ro miyae holo mbai kawane ahemmikonde. Ya me bee mo beko hubannekombe. Raei ufembe a huluinye mo nekemembe enserembombena, wali hena bona bele me buhaere isembe.

Wahyu 2:25

Nda fenbe mare riyamale, wali nibi foi isaeyaeubokere me bobo ikilennekombe nekemembe Reyae merele heene.

2 Timotius 4:8

Oro habelei-sabeleinya ro bere eyeisiyele kiyae roibu inyainyele wanen mae wali hului emmikolonde heene Tuhan mae rare yensele. Rabuhine ban Tuhan ro miyae na walire na ijen mae hului kolommile Kiyae, reyae Naei a elewolere hila rabo halewanalene wali himaloungebokale ro yae me baensebonde. Nebeibe rare mo yensele ban, ro miyae nanemene Wali Ondofolo mende yare kena haehae hele koyate hila rabo haleimeyate yo bele nemene yemmile.

2 Timotius 2:5

Nane merau holokare eisebeiboyate kate yo, holoka einya u mekai konate naei ukaimile nanemene huba mokonainyekondere. Elaekei sele hebate yore yaeimi roibu na hului rowende. Nebei sului mbai Yesus Naei a elele nemene hakoubonde.

Wahyu 22:20

Nda are nanemene isaeiwoufe Kiyae elele, “Na hele, Reyae na heki ban merele.” Amin, Tuhan Yesus meinye!

Wahyu 1:3

Nde yae nda homofaena nulainyekoke a faeu engkonde, emboronde, nane merau nou ennehembonde kiyae onomi foka u mekai hubannende, rabuhine ban enaibende ya nobeungekokene.

Wahyu 4:10

nebei 24 yoyo koseyo be are nekate ei molainye. Nondofolo fokoma kulate, Na bere yae kolate wa elate,

1 Korintus 9:25

Holoka konate yo elae bele relenainyekonde naeise, kena heraungaibonde yae uware elae mokonaimile. Ro miyae na hului bekore yembonde me buhae yaronaikonde naeise, nebei u mekai mokoiboyate. Nebeibe eyae me buhae bekore eyeiboi sului yaromakonde naeise, elae yae relaennele.

Wahyu 3:3

Nebei aerene na bemena mare kelewayembe bele mai angkaei yae borowaube bele bene foi yae nekenayengkombe. Nebei yoni-yoni benen mokombe hele, nane merau beko bako yoni-yoni mokowaubera uwa olomombombe. Mayae benen ainyui nekembena, yoko ro miyae wanen mae Reyae merele, nane merau mayae onengkombe makei hee yae waei bokore merele.

Wahyu 4:4

Na kendan wameran nekelere kendan wameran hi 24 hele yae yanainyekoke. Nebeinye 24 yoyo koseyo raiboke, na malo keleumon hiraikoke, ondofolo fokoma emas yae mokaiboke na yunne obunaikoke.

Wahyu 2:13

Mayae nekaube anuwau Reyae isaeyeubokale. Walobo yun kendan wameran nekele yone nekaube. Nebeibe Raei rore bumane kaeuboke nekaube. Nane merau, Antipas, Raei wanale a huluinye isaeiwoumi kiyae mai yone, walobo yun neuboke anuwaunge, mai ijoko bene haiboke hee erewaube hororebe, mai hila rabo Rare kusei mahei ban halewaube.

Wahyu 22:7

Eren, nana hesele bene nekenayete, Reyae na heki ban mo merele. Ro miyae nda homofaena a nuleungekokalere hakonate yo, onomi foka hubanainyende.

Yakobus 5:9

Aka naei baeke naei, Allah hila rabore halaennele Kiyae mare me nonomombe belene, maise naeise olomo narulu ororoijae, nane merau hi yae hire a beko eweijae. Bene nekenayembe, ro miyae naei walire hului memmikolonde Kiyae mende ya nobeungeboke, romau bene meke hebele wanen.

Filipi 4:5

Ro miyae nolone kena nime haba yae nekemembe. U bene enundeijae hele, aei Tuhan na heki ban benen mende.

Wahyu 16:15

Tuhan Yesus yae elele, “Eren, Reyae yoko ro miyae wanen merele. Onomi fokare hubanainyende ro miyae nauware kayaa hebenende nane merau na malo na mokoisai yae mo nekende na melan mae alonnekondene ro be miyae bene na ro uwa miyae uwabe yakambonde bele.”