Wahyu 21:21 - Allahle a neme heteungekoke homofae

²¹ Romau me bee oro nen bee belere mutiara mbemba naeise naeise na romau suluinye mokaikoke. Nebei yo kaban yan kaban na nibi kaban emas yolo-yolo be nulu kaca ma wanen mokaiboke.

Wahyu 21:21 Referans Kwoze

Wahyu 21:18

Nebei yo kaban yan kaban elere bu baembaem ma permata yaspis yae naiboke, na yo yande emas hele yae mokaiboke, kaca ma wanen.

Wahyu 17:4

Nebei miyae na malo haisai bele fi kolei ma bele hireukoke. Nebei malo emas yae permata yae mutiara yae kiteungeboke. Kolaei emas mbai na mene ikileuboke einye na yoko kaeimae koweke abuneweke u nenere koi-koi rambun mae niki bele yae maemae koukoke.

Wahyu 22:2

nebei yo kaban yan kaban na nibi kaban nolore yae rileimeyele. Wi bonei-bonei reufi-reufine walire yaimi o habe hebate, ani roko me bee oro nen bee bele ralo yakama mbai mokoikoyate, oko mbai roko mbai ani mokoikoyole. Na fae yae nebeinye arilaisike, ro miyae onomi yemmile naeise.

Wahyu 18:16

nda a kaenenate, “Yei, kabekokae ya, rore rayewekete yo, miyae maengke wanen mbai lenan malo maye-maye fi kolaei ma yae bele haisai bele yae hireikoyainye nane merau emas yae permata yae mutiara yae u kamaere molayeweke!

Wahyu 4:6

Nane merau nebei kendan wameran honole bene bumoko kaca wanen yolo-yolo renden yale kristal wanen. Kendan wameran nolo etemetena heme keline Allahle yebaei bubaei keli nauwa obo yoku ma yo, bene moinye ijoko bele mo.

Wahyu 21:15

Rare are weufe malaikat nebei yo kaban yan kaban bele na romau bele ele yanaisoke belere huluise kolonnekonde naeise huluise kolainye o emasra na mene rouke.