Wahyu 20:12 - Allahle a neme heteungekoke homofae

¹² Nane merau heraiboke ro miyae ro bele raimiyeke yo bele ro ban yo bele eramaele kendan wameran bene nanembainye hebate. Homo-homo wewe kaikoke. Nebeisa homofae hi wali hena bona yaronaikonde yo naei wekainyele. Herewate yo naei me u mokowate homone molaikoke hului yae koloumikoke.

Wahyu 20:12 Referans Kwoze

2 Korintus 5:10

Rabuhine ban eyae nemene fomene wali hului kolommekonde naeise, Wali Ondofolole ro be ro yoise emale, eyae nda kani kelane uwa nekewande heena me u foi, me u foi ban mokowande hului na roibu yaromale.

Matius 16:27

Rabuhine ban Reyae Allahle bokora mekale ro miyae uware yeubokale Kiyae Maeko naei one hengko hehe kaban bele einye na malaikat yoni-yoni bele surgara memale. Nebei hee yae Reyae ro miyaere na u mekai wa mekai mokowate huluinye isemile.

Wahyu 22:12

“Eren, Reyae na heki ban mo Raeinya roibu bele roufemende. Ro miyae me u mokowate huluinye Raeinya roibu waheremikonde.

Wahyu 2:23

Nebei miyaele kelu omi horekonde. Nebeisa jemaat yoni-yoni isaeinyate Reyae ro miyae naei u bene wa bene na kena u ei bele ereyale Kiyae nane merau mai me u mokaube huluinye Reyae berensombe.

Wahyu 11:18

Nda kani kelana Ware ei omoloi yo ikele han ainyainyu hengko-hengko kate, nane merau Weyae u mekai beko bele ro miyaere ehee bukulu eumiwonde ya na hului yeuboke. Weyae herewate yore hului kolommile nane merau Waei yebaei bubaei u mekai yenjo kayaayo bele, Waei eleukokae wekaemae ro miyae Wa rore bumane kaeyete yo bele, fele-fele kaban-kaban nanemene na roibure waheumilere yabe na hului yeuboke. Nda ya niyae, nda kani kelana bekore mokowate yore bekore mokoumibonde yabe yeuboke.”

Wahyu 3:5

Hila rabo bekore mokounge elaere melennehande ro miyae nanembainye nebei malo keleumon ma mbai yae hirenainyekonde. Ro miyae wali hena bona enainyarongkonde rore molaikoke homofaera Reyae nebei yo naei ro eisobeikoi, nane merau Maekole ro be ro yoinye bele Naei malaikat yoni-yoni bene bele nebei yore ro eremironde.

Wahyu 20:13

Naubu walau buna herayeke yo bele nulu yo mahe yona ekainyekate yo bele nanemene waleumiboke naei me u mokowate hului yae koloumikondere.

Wahyu 21:27

Nebeibe u nene bele rambun eyeiboi sului nane merau ro miyae fere mokowaimi me u mokate yo bele ame-amere baete yo bele eise eyeiboi sului. Ro miyae na ro Domba Kelule wali hena bona yaronaikonde yo naei homofaene moloukoke yore mo ehe kommikonde nebei yo eise waemmihinde enayembonde.

Kisah 24:15

Naei rabo halaete wanen mbai reyae halaele, wali himalainyeboke ro miyae bele bekore mokowate yo nemene fomene herewatera Allah walemmile.

Wahyu 20:11

Nebeisa eranale kendan wameran kaban sele keleumon ma nane merau na ranne nuweuboke nekele Kiyae bele reyae eranale. Nda kani kela bele kun wau bele na bera nundaiboke, benen naei enate anuwau ehubayeikoi sului.

Wahyu 19:5

Nebei kendan wameranda a mbai borale elele, “Allahle kaliare mokoyaube ro miyae Nare hubara haeisa yaneyaunge yo ebimbin kaban-kaban nanemene Allahre bumane kaenne!”

Filipi 4:3

Sunsugos raei kalia mbaibe mokoyele kiyae ware riyawale, Euodiale Sintikhelere foi mokoneikondere weyae hakoumibonde. Hokolo bee bele Klemens bele ro miyae hiwa bele yae Wali Ondofololena a foi faeu foise huwammilere kalia elae hele rangkele mbainye mokandeke. Nebei yo naei ro wali henare enaijaronde homofaene molaikoke.

Lukas 10:20

Alo yoni-yoni mai ane borowayembe aerene reibe okoijae, nebeibe mai ro surgana homofaene molaikokene reibe kom.”

Wahyu 13:8

Nda kani kela mokouboke hee Allah yae wali hena bona enaijaronde ro miyae homofae mbainye moloukoke. Nebei homofae Domba Kelu naisake Kiyaele naei. Nebei homofaene ro omoloikoi ro miyae nemene nebei obo yokure ei molonainyele.

Roma 2:6

((Allahle homofaene molaikoke huluinye)), “Ro miyae na u mekai wa mekai mokowole huluinye Allah yemmikonde.”

Wahyu 17:8

Nebei obo yoku eranae, bere wali nekewole nda hee hereke, nebeibe na heki ban mo here a bulu na wauwau helera menyakambonde, nebeisa Allah yae beko ennemokombonde. Nda kani kela mokouboke heene wali hena bona yaronaikonde ro miyae na ro homofaene molaikoke. Nebei obo yoku kiyaere benen yakambonde heene, nda kani kelana wali nekate ro miyae nane homofaene na ro omoloikoi yo fa yae bonate. Rabuhine ban na ijoko yae erenate nebei obo yoku kiyae bere wali nekewole nda hee enekei, nebeibe neyae benen menjakambonde.

1 Korintus 4:5

Nebeinye Tuhan mende ya namman mae, mayae ro miyae hiwa naei walire mehinin okoloijae hele. Tuhan mende yane ouben nolone u mekai beko felaimiyeke honayeke yoni-yoni Neyae a yakane mokommibonde, nane merau kena u einye meraufe kolainyeke u mekai nebei sului yae harainyeke yoni-yoni Neyae memmiyakambonde. Nebei hee yae wa Allah ro miyae hiwa naei uwa emmikaende ((hiwa ehee bukulu emmihayende)).

Matius 11:22

Nebeinye Reyae mare wamale, Allah ro miyaere me nommiyonde yane Tirus bele Sidon bele naei ehee bukulu fomammibonde, mayae ehee bukulu kaban sele kaembombe.

Wahyu 20:15

Wali hena bona yaronaikonde yo naei homofaene na rore omoloikoi ro miyae bumoko i buloo-buloo belere hekelaikoke.