Wahyu 17:12 - Allahle a neme heteungekoke homofae

¹² “Tanduk me bee ereyae nebei ondofolo me bee nebeibe namman mere ikileiboi omokoi yo. Nebeibe ondofolo wanen mae mere ikilenaibonde mokonaimile naeise elae wake kinyemmibonde, nda obo yoku kiyae bele nanembainye hukai mbai mere mokonaimikonde.

Wahyu 17:12 Referans Kwoze

Wahyu 12:3

Benen iwau hi surgane yakauboke. Eren, alaka mbai, hasai, nauwa kaban hele, na yun mehine bee, na tanduk me bee, na yun mehine beene ondofolo fokoma bele mo felaikoke.

Wahyu 13:1

Nebeisa reyae erale mo naubura obo yoku mbai yeuwakauboke, na tanduk me bee, na yun mehine bee. Tanduk naeise naeise ondofolo fokoma mbemba bele mo, na yun ranne naeise naeise Allahre aukakare kainye ro yae molaikoke.

Wahyu 17:16

Nebei obo yoku bele tanduk me bee bele weyae ereukokae, nebei yoko miyae kaeimae miyaere ikele konainyele. Naei rambun hononainyelere beko mokonaikonde, nare mokonainyebonde melan yembonde, nauwa melen anenaikonde, i yae relenainyekonde bende.

Wahyu 18:19

Nebeisa nebei ro miyae kani man na yun ranne heraeinyate kena beko hubainye iwau mare, na rime bele rimenate, kena beko u beko hubanainyele, nda a kaenenate, “Yei, kabekokae ya rore rayewekete yo, naubuna kai bele yo nanemene nda miyae naei rambun helen hawayewekete yae keren bele nale bele bewate. Nebeibe na hukai mbai sele neyae ninae beko yaeiboke.”

Wahyu 18:17

Nebeibe na hukai mbai yae na keren nale ninae beko yaeiboke.” Imoli mokoi yo, bumoko ele mele yo, kai einya kalia yo, nane merau ro miyae naubu na wali rambun baei-baei yo, nanemene ahaufa hebenaibonde.

Wahyu 18:10

Naei u buhae wa buhae nekeunge kole erate wanen mbai enainyehubandere fe waku konatene, nebei yo nahaufa hele hebenaibonde nda a kaenenate, “Yei, kabekokae ya, rore rayewekete Babel elae bele wake bele yo, rabuhine ban na hukai mbai sele ware mere nonowonde heebe yeubokene.”

Wahyu 10:11

Rare weufe, “Allah merau raungehike nda holo naeise benen huweumile hele: yoho yoni-yoni, kani kela yoni-yoni, afaeu yoni-yoni, ondofolo yoni-yoni.”