Wahyu 15:8 - Allahle a neme heteungekoke homofae

⁸ Allahre ei mom-mom imae ei Naei nene waewae bele Naei elae wake bele ongkou wae maemae koungekoke. Nebei imaere hi yae ha yae eyeisi sului mende nda malaikat mehine bee yo bei yan bei mokonaibonde baensonde.

Wahyu 15:8 Referans Kwoze

Wahyu 15:1

Nebeisa reyae erale yakune iwau hi kaban nane merau mahi. Malaikat mehine bee hele riyau ungaibonde naei yo bei yan bei mehine bee na mene ikilaikoke. Nebei yo bei yan bei yae Allah Na ikele han romou bele haneuboke kole riyaufe weungebondere.

2 Tesalonika 1:9

Nebei ro miyaere Yesus yae huba ban haei ban mae ehee bukulu hayemmiyende. Yesusle bokore nebei ro miyae ei sului, nane merau Yesusle one hengko nene waewaere ehubaikoi sului.

Roma 11:33

Raei kena u roweisiyanale rabuhine ban Tuhanbe isaei hebaen na bumana hele, Naei a hokoukoke yoni-yonire ro miyae isaeyeiboi sului, Naei me u mokolere mbai sambai ehameikoi sului.

Wahyu 21:11

Allah Naei one hengko inyukui yae nebei yo kaban yan kabande hehe naeungekoke. Na wili halaman bole permata foi sele yaspis wanen bu baembaem ma, yolo-yolo kristal wanen.