Wahyu 14:8 - Allahle a neme heteungekoke homofae

⁸ Malaikat bee nendo na moisa nakeukoke mbai nendore neungeboke mo kaenele, “Kereufoke, Babel yo kaban yan kaban kereufoke ya! Neyae nda kani kelana ro miyaere mokowoumi nangkele yoko kaeimae kowate aerene u bene beko yaeiboke, bu elae aneisiyate wanen.”

Wahyu 14:8 Referans Kwoze

Wahyu 16:19

Yo kaban reu namere baikoke nane merau kani hi hi naei yo yan otowate. Allah Babel yo kabande bene nekainye. Anggur bu kolaeinye rileuboke wanen mae Allah yae Naei ikele han romou bele roroukoke nebei yore ikeumi.

Wahyu 11:8

Na here no yo rore rainye nibi ekene hainyaikonde hononete. Nebei yo Sodom bele Mesir bele yo yae ahunenaibonde kaenewaimi, naei Tuhande ohalire baikoke anuwau mbai.

Wahyu 19:2

rabuhine ban na hele yae nane merau na ijen mae Allah yae walire hului ikolowoumi. Nebei rore rainyeke yoko miyae kaeimae miyae naei yoko kaeimae kowole yae nda kani kela na ro miyae na u bene beko mokowoumi kiyaere Allah yae me nokeunge. Nebei miyae Allah Naei kalia mokowate yore houkoke kiyaere Allah ehee bukulu na mekaibe ikeunge.”

Wahyu 17:18

Nebei yoko miyae kaeimae miyae ereungebokae, nebei niyae yo kaban nda kani kela ranna ondofolo yoni-yoni nekatere mere ikileuboke mokoumi kiyae.”