Wahyu 11:6 - Allahle a neme heteungekoke homofae

⁶ Nebei yo Allahle Roh weumi ane ungaimile hee, naei me einye mo elae kinyeumiboke kenare konete hului nda me u mokoneibonde: yaku ahuneinyebonde ya molonde bele, bu nanemene mokoneinyebonde hare yembonde, nda kani kela yo bei yan bei yae kou beneinyehonde.

Wahyu 11:6 Referans Kwoze

Lukas 4:25

Nebeibe borombo ba! Allahle yendo kayaalo Elia na wali nekewole heene ralo yakama name bohi bele ya omoloikoi mone nebei kanine moni mai nekeumi kowate. Nebei hee miyae nannale (rora molowate yo) Israel kanine nekai nekewate.

Wahyu 8:8

Nebeisa malaikat bee nendo amin waku wanen rambun raneuboke. Rambun mbai elu kaban wanen i yae boloufike belebe naubu walaubure kainyehike. Naubu walaubu fo name hele hare yeuboke.

Wahyu 11:3

Reyae wamale are isaeinyeimile ro miyae bee hele Raei elae isemile ufemile enete, Allahle yenjo kayaayo naei malo baengko ban mae hireneikonde, Allahle Roh yae wemmile a huweneimile na heki ya 1260.”

Wahyu 16:3

Malaikat bee nendo ebe einya rambun naubu walaubune rileuboke. Nebei bu hare yeuboke, heratena ha nokombi wanen. Naubu na wali bele yo nanemene herewate.

Wahyu 16:4

Malaikat name nendo ebe einya rambun wi yoni-yoni bele rotebu yoni-yoni belene rileuboke. Nebei anuwau nanemene bu hare mo yaeiboke.