Titus 3:6 - Allahle a neme heteungekoke homofae

⁶ Allah yae Wali Ondofolo Yesus aei Walilole walora Naei Roh aei waline aumeboke.

Titus 3:6 Referans Kwoze

Roma 5:5

Allah are nuleungekoke huluinye mokondere rabo elae halemalene mehi hako ofoloi, rabuhine ban Allah Naei Roh aumeboke walora aere kena buhae emereumi yae heumere aei kena une hubannele.

Kisah 10:45

Allahle Roh Yahudi ban ro miyaere aumibokene, Yope yona Yahudi ro miyae hiwa Petrusre hakainyekoke mewate yo nemene fa yae bowate.

Yohanes 16:7

Na helebe mare wamale, mai foi naeisene Reyae erelere. Rabuhine ban Reyae einya, mare holenembe Kiyae mai bokore emei sului. Nebeibe Reyae erelena, nebei Kiyae Reyae ufende mai bokore mende.

Yohanes 1:16

Neyae ro miyaere kena buhae u buhae aere ban mae heumene, no ban hee ban aere foi mokoume.

Titus 1:4

Titus, nda homofae waei naeise moloukokale. Weyae raei kelu wanen, rabuhine ban reyae Yesusle ako faeuko huwewawale walora Yesusre hila rabo halewanae. Reyae ebeli banale aei Arai Allah bele aei Walilo Yesus Wali Ondofolo bele ware kena buhae aere ban mae henewete, rei mai haungewende.

Efesus 4:2

Mai kena u ane rannehimbe nekemembe, kena nime haba nane merau kena hebaen-sebaen mae nekembe. Mai nolona ro miyae u mekai nenaei nenaei hororebe mai kena buhae u buhae hi yae hire hemembe.

Efesus 3:8

Allah eleuboke wekeumi holona ro miyae u nolo u kaisa reyae na ro ban sele kiyaebe Allah kena buhae aere ban mae heufekoke. Allah ukeufe Yahudi ban ro miyaere Wali Ondofolole me ei u einye rambun emekai bele honate naei are hufemiyendere.

Roma 8:2

rabuhine ban Wali Ondofolole walora Allahle Roh wali nemere ikeume Kiyae Naei elae yae aei bekore kena kandere haraime nane merau Allah bele wahemakonde elaera bulaereumeboke.

Kisah 2:33

Nda hee Allah Naei kendan wameran meube reufine na bumane haungeboke. Allah are heteungekoke hului Naei Roh ikeunge. Aka naei baeke naei, mana mayae boraube nane merau eraube rambun, nebei Roh mbaibe mana Yesus yae maei uwane kiteumeboke.

Yohanes 7:37

Nebei raman bulau na huba mokoikoi ya naei ya kaban sele mokaiboke na ro miyae hebatere Yesus a kaban don mae kaeneumi, “Mayae ro miyae nde walire yennele bure buki kolena, mei, a elalere hila rabo halembe, nebei bu anembe.

Yohanes 4:10

Yesus yae weunge, “Allah yae ro miyaere aere ban mae foi yeyeumi nane merau Reyae ware bu andehindere riyawale Kiyae Allah yae ukeufe mekale. Nebei a isaeyeubokaena, weyae Rare wali bele bu riyeufehinde, ware walire yeumi bu isete.”

Roma 2:4

Allah kena nime haba yae mare mokoyembe nane merau kena hebaen u hebaen mae mare me onoyoi. Mayae maisaei ban selene Allah merau raungehike, Naei me u foi yae mare moi hurenembe u mekai wa mekai bekora nulu kenembombe. Mayae Allah u mekai wa mekai foi yae mokoyembere rabuhi ban mae elaube!

1 Timotius 6:17

Nda kani kelana rambun helende honaimi holona ro miyaere a elae yae weumile na uware bumane ekaeijae nane merau kaka inyaibonde rambunde rabo ehaleyeijae, nebeibe Allahre mo rabo halenainyele. Eyae rei mai nolone nekemale naeise Allah rei mai mokoume rambunde kena faere-faere yae waheyeume.