Titus 1:9 - Allahle a neme heteungekoke homofae

⁹ Nebei ro Yesusle ako faeukore eyae kelewannelere hila rabo elaekei sele halende, neyae na hului Wali Ondofolole wali nibi a yae jemaatna ro miyaere alommile naeise, nane merau Yesusle ako faeuko na hele ban keleyaimi yore na u bene ijen alommile naeise.

Titus 1:9 Referans Kwoze

2 Tesalonika 2:15

Nebei aerene, aka naei baeke naei, mai hila rabo elaekei yae halemembe, nane merau maeinya kelewayembe a huluinye mo hakomembe mokomembe. Nda abe maei euwe yae uwayembe nane merau homone bele molowande.

2 Timotius 1:13

Reyae kelewamale wali nibi naei a foi faeu foi me nene u nene ban naei borowoyae, nebei mbaibe keleumile. Weyae Wali Ondofolo Naei a elelere hila rabo halaenaene ro miyaere kena buhae u buhae heumile.

1 Timotius 6:3

Ro miyae hi aei Tuhan Yesus Wali Ondofololena kelewoume a usaei wasaeise nane merau Naei wali nibi are na hele ban elendena, nane merau a ame-ame yae kelemmilena,

1 Timotius 1:10

yoko kaeimaere koyate yo, ro akobae bele uwa mbai hononete yo, ro miyaere ikilenate naise henate yo, ame-amere yaneyate yo, a na hele ban rambunde na hele yae elate yo, nane merau u mekai hiwa Wali Ondofolole wali nibi a faeu hului ban. Wali Ondofololena a foi faeu foi hufemiyende naeise, Allah eise molanne Kiyae rare eleufeboke. Nebei a faeu na foi sele.

Wahyu 3:3

Nebei aerene na bemena mare kelewayembe bele mai angkaei yae borowaube bele bene foi yae nekenayengkombe. Nebei yoni-yoni benen mokombe hele, nane merau beko bako yoni-yoni mokowaubera uwa olomombombe. Mayae benen ainyui nekembena, yoko ro miyae wanen mae Reyae merele, nane merau mayae onengkombe makei hee yae waei bokore merele.

1 Timotius 1:15

Reyae na helebe wamale, nda are hila rabo halen: Yesus Wali Ondofolo beko bako bele ro miyaere hole molommibonde naeise nda kani kelare meke. Nebei ro miyae nolona reyae, Paulus, beko bako yae eufemeleke kiyae.

Titus 2:1

Titus ware wawale, Wali Ondofolole wali nibi a mo keleumile.

Titus 1:11

Naeinya ahuba ame-amebe huwaimi yae mokaimi imae ei hiwa nemene Yesusle a na hele ban mae elate. Nebei mekaise mokaimi yo neuwa ahuneumibonde. Ro miyae naei rambun abun-abun naeibe wabaimi inyaimile naeise, nebei ro miyae ame-amebe kelaeimi.

2 Timotius 4:3

Rabuhine ban bena honoifoyole ya mendene Wali Ondofolole na hele wali nibi a kelaeimilere boronatebe, nebeibe ro miyae kena okoi. Nebei holona ro miyae naei kenare kate huluinye hakonaikonderene, nebei are kelaeimi yo helen abunenate.

1 Tesalonika 5:21

Nemene fomene umali hubannehimbe, foi kayee ikilennekombe,

Wahyu 3:11

Reyae na heki ban mo merele. Hi yae ha yae mai wali hena bona me buhae einukeisai naeise, mare kelewayembe are me bobo ikilennekombe, nebei suluinye hakomembe.

Wahyu 2:25

Nda fenbe mare riyamale, wali nibi foi isaeyaeubokere me bobo ikilennekombe nekemembe Reyae merele heene.

Yudas 1:3

Kena buhaere haemale aka baeke, Wali Ondofolo Naei a elelere hila rabo halaenne wali neme nekande. Nebei wali neme naeise nda homone molorekondere kena kaban kowalebe, nebeibe reyae hubawanale homone nda a usaei hire ufembere, Wali Ondofolole wali nibi are na ijen mae isaeinyaibonde naeise mayae relennele. Yesus Naei eleuboke wekeumi holona ro miyae nemene fomenere nebei wali nibi are isaeyeumiboke. Nebei wali nibi a roko mbai mo ikeume nane merau huba ban haei ban wali neme yeumile.

2 Timotius 2:25

Neyae keleumi are na hele ban elate ro miyaere naei kena nime haba yae a usaei waeisaei kelemmile. Rabo haleyae nebei ro miyaere Allah kena kommikondena na u mekai beko mokowatera mon yemmile nulu kenainyebonde, Wali Ondofolole na hele wali nibi a isaeinyaibonde,

2 Timotius 2:2

Bena Yesusle ako faeuko ro miyae helen bene elewale borowoyae. Nebei ako faeuko mbai huwate hului yae nekate u mekai bele ro miyaere na foi yae keleumikonde. Nebei ro miyae na hului meli mekai bele yore kelenaimikonde.

1 Timotius 4:9

Nebei wawale are na hele naei, nare hila rabo halen.

1 Timotius 1:19

Nane merau weyae releungele yae Wali Ondofolo Naei a elelere hila rabo haleungele nane merau kena u yolo-yolo yae huba haleungekonde naeise, nebei a wawale. Ro miyae hiwa Wali Ondofolo Naei a elelere oboroiboinye, naei kena une beko hubanainyele nane merau naei hila rabo mohi-mohi kamai-kamai yaeiboke, kakai ruka ranne ruwae yae hayeukokene beko yembonde wanen.

1 Korintus 14:24

Nebeibe mayae nanemene Allah wembe are huwembe hee, hila rabo ban ro miyae Allahle Roh yeumi meli mekai naeise isian ro miyae mendena, neyae u mekai beko mokate yore na hele elenate. Nebei huwate ro miyae naei bekobe,

2 Timotius 3:14

Nebeibe weyae Timotius, a usaei wasaei na hele ware kelaeyekokete bele na hele eleyae belere me bobo ikileungekonde, rabuhine ban waeisaei sele nde naei yae nebei isaei hebaende kelewayete yo.