Titus 1:6 - Allahle a neme heteungekoke homofae

⁶ Nda u mekai wanen yo be yun be yebae eleukonde: ro na u mekai foinye hiwa yo naei bekore eleyei sului, na miyae mbai mo, na fa-fa Yesusre hila rabo haleyainyele, yun kaeng-kaen ban, meyaya ban, na yun-junde boroyaimile.

Titus 1:6 Referans Kwoze

1 Timotius 3:12

Jemaat kaliare mokole holona ro na miyae mbai yae mo, nane merau naei imae obe bele na kelu omi bele foi yae me mokommile hele.

Titus 1:10

Nebei yokobana ro miyae helen sele naei yun-junde oboroyei, a bangka-bangka mo eyelewate, ro miyae hiwa hiware ame-ame yaneyaimi. Nda ro miyae wanen helen Yahudina.

Efesus 5:18

Mayae keu bu mali okoijae, rabuhine ban nebei keu bu mare beko mokonembombe. Nebeibe mai uwa waennehimbe Allahle Roh yae ei anembombe, Naei me kelee u keleene nekembe.

1 Tesalonika 5:14

Aka naei baeke naei, meyae moi hurayembe, kalia omokoyei yore angkaa yobommile. Buhae-buhae koyate ro miyaere kena elae yemmiyembe. Elae ban wake ban nekate yore hakommiyembe. Ro miyae hiwa bele kena hebaen u hebaen mae nekemembe.

Lukas 1:5

Ro mbai na ro Zakharia. Neyae imam Abiale riyana. Nda Zakharia imamde hebewole hee yae Herodes Yudea kanire Ondofolore hebewole. Nda Zakharia na miyae na ro Elisabet, Harunbe orona mena.

1 Timotius 1:9

Nane merau eyae isaeyaendeboke Allah yae Musale walora wali heere foloukoke a ro miyae wali himalainyeboke yo naeise ikeumi ban nebeibe nda u mekai ma yo naeise: yun laeibo-laeibo koyate naei yun-junde oboroiboi yo, walire eharaiboi sului yo, Allah Naei elele are ei ehaweyei yo, me u beko mokoyate yo, Yesus Naei eleuboke wekeumi holona u mekai ban yo, Wali Ondofolole wali nibire aukaka kainye yo, ro miyae ako nakere hoyate yo, ro miyaere hoyate yo,