Titus 1:4 - Allahle a neme heteungekoke homofae

⁴ Titus, nda homofae waei naeise moloukokale. Weyae raei kelu wanen, rabuhine ban reyae Yesusle ako faeuko huwewawale walora Yesusre hila rabo halewanae. Reyae ebeli banale aei Arai Allah bele aei Walilo Yesus Wali Ondofolo bele ware kena buhae aere ban mae henewete, rei mai haungewende.

Titus 1:4 Referans Kwoze

Yudas 1:3

Kena buhaere haemale aka baeke, Wali Ondofolo Naei a elelere hila rabo halaenne wali neme nekande. Nebei wali neme naeise nda homone molorekondere kena kaban kowalebe, nebeibe reyae hubawanale homone nda a usaei hire ufembere, Wali Ondofolole wali nibi are na ijen mae isaeinyaibonde naeise mayae relennele. Yesus Naei eleuboke wekeumi holona ro miyae nemene fomenere nebei wali nibi are isaeyeumiboke. Nebei wali nibi a roko mbai mo ikeume nane merau huba ban haei ban wali neme yeumile.

2 Petrus 1:11

nane merau Allah na rei mai yae mare waenensimbe Walilo aei Tuhan Wali Ondofolo Yesus Naei yo waku huba ban haei banne emembombe nekemembe.

2 Petrus 1:1

Onomi foka! Reyae Simon Petrus, Yesus Wali Ondofolole kaliabe mokale, Naei abu akore yeubokale. Allah aei Walilo, Yesus Wali Ondofolo Kiyae, na wali himaloungeboke hele walora ro miyae hiwa Nare hila rabo haleyainye. Nebei ro miyaere reyae nda homone molale. Naei hila rabo haleyainye roibu maengkele nane hului mbai.

2 Korintus 2:13

Nebeibe reyae isaisa alalo kowale, rabuhine ban aei aka baeke Titus nebei yone ehubayeikoinye. Nebeinye Troas yora erele naei a nebeinya ro miyaere ukamaelera kulun ukale Makedonia kanire ewale.

2 Petrus 3:18

Nebei rambun benate belene, aei Tuhan Wali Ondofolo Yesus kena buhae aere ban heumele Kiyaere foi yae ronnebombe naeise na hibi-hibi relennembe. Yesusre huba ban haei ban hili hebenainyende.

2 Korintus 8:23

Titusle a hinenayembena, neyae raei kahili mai foi naeise kalia mbainye mokonde. Ro hi ate naei a hinenayembena, na jemaat-jemaatra ukaimile mate nane merau naei u mekai mokate yae Wali Ondofolore be hinainye.

Roma 1:12

Raei mekai ma haraungebokale, eyae nanembainye Wali Ondofolo Naei a elelere hila rabo halaenne aerene aeise naeise kena u hara roromande.

Yohanes 4:42

Nebei yona ro miyae nda maengkere wainye, “Meyae hila rabo halaenne weyae uwamae a aerene mo ban. Rabuhine ban menaeijae Naei euwara elewole a borandekokene nane merau maeisaei Neyae nana hesele nda kani kela hole moloiboi naei Ro.”

1 Yohanes 5:14

Nda naeise na foi yae isaeyaendeboke: Allah kenare kole huluinye rambun riyemanelena, eyae na hului be rabulemabonde Allahre ebeli bomansinde nane merau Neyae borommebonde.

2 Petrus 3:2

Reyae kena kale mayae Allahle yenjo kayaayo naei ako faeuko nendahina huwewatere nane merau aei Walilo Tuhan Yesus ukeumi a Naei abu ako yae huwayembere u bene nekenayembe.

2 Petrus 2:20

Nda kani kela einye ro miyaere u mekai nikire olaeimira. Walilo aei Tuhan Yesus Wali Ondofolore isaeinyaibonde walora nebei u mekai niki belera na hului me rubonainyebonde. Nebeibe ro miyae nebei u mekai niki bele me rubainyebokera benen bukenaibondena, naei u mekai na beko hele inyaibonde, na bere nekewatera.

Titus 1:3

Nebeisa Allah kenare koukoke ya Naei kaliare mokoyate yo huweyaimi walora Naei a eleukoke yakaumiboke. Aei Walilo, Allah, rare ukeufe Naei a eleukokere ro miyaere hufemiyendere.

Efesus 1:2

Reyae ebeli banale aei Ako Allahle nane merau aei Tuhan Yesus Wali Ondofolole kena buhae aere ban mae mare henemembe nane merau mai kena foi u foi mokonemembe.

Galatia 2:3

Nebei hee Yahudi ro holo mbai aei nolore ijoko-ijokore aei aka wanen baeke wanen wabu-wabu yae mekate. Eyae Yesusle einya nekande wali ma namman Musale walora wali heere foloukoke are hubara haeise yanannelere neyae ijoko roboikoise mekate. Na merau harainyeboke eyae benen Musale walora wali heere foloukoke are me ikilemabonde, benen naei yebaei bubaeise imakondere. Nebei ro holonare reyae mon ebi fen eyei. Rabuhine ban reyae kayaa hebale, Wali Ondofolole a foi faeu foi na hele are mayae borauboke, nebeisa wabenayengkombe Musale walora wali heere foloukoke are hubara haeise yanenembe bele. Raei kahili Titus, Yunanina ro, raei bele oroyende kiyae, Yahudi era hena hului ro uwa elan nenainyehandere nebei jemaat kaban naei be yun be yebae hebate yo yae a eleikoi.

2 Korintus 12:18

Naendae wanen, Titusre moi neungehikale mai bokore ende nane merau ro hi ukanale nare hakoungeboke ekete heena mainya rambun yaraikoke? Nebei mekai na hului ban! Maeisaei sele Titusle rangkele kena mbai nane merau mai foi naeise kalia mbai mekai mbai yae mokonde.

2 Korintus 8:16

Reyae helen foi Allahre wanale, rabuhine ban Neyae Titusre mokoungeboke mare hakonembombere kena kole, raei kena kale ma mbai.

2 Korintus 8:6

Makedoniana jemaat yoni-yoni nebei u mekai mokowatene, meyae Titusre moi hurewanne neyae mai nolone aere ban mae yei wahei rambunde arilenate naei kaliare huba raweubokene, neyae ahunennebonde mokongkonde baensonde.

2 Korintus 7:6

Nebeibe Allahre kena beko u beko kate ro miyaere na hibi-hibi homo mbai a mbainye orande Kiyae, Titus, meke walora maere kena aumenuke.

2 Korintus 4:13

Allahle homofaene Yahudi Ondofolo kaban Daud nda wanen moloukoke, “Reyae hila rabo halaennele aerene a eleukokale.” Allahre Daud hila rabo halewolene Allah uwounge are huwoumi wanen, meyae Wali Ondofolore hila rabo halaennene Neyae weume are huwammile.

Roma 1:7

Mayae Roma kanina Allah kena buhaere hembe nane merau kaenengkokembe ro miyae, Yesus Naei eleuboke wekeumi holone nekembe yore nda homofae reyae moloukokale. Reyae ebeli banale aei Ako Allahle Tuhan Yesus Wali Ondofolole mare kena buhae aere ban mae henembe nane merau rei mai haungembe.

Lukas 2:11

Mana ya Walilo mbai Daudle yona hongkate. Neyae Tuhan Allah yae oro umau heraungeboke Wali Ondofolo Kiyae ((Yunani afaeunge)) Kristus yae kaenainye.

Galatia 3:26

Yesus Wali Ondofolo Naei a elelere hila rabo halaeunge walora, mayae Allahle kelu omire yaeukoke.

Galatia 3:28

Eyae Yesus Wali Ondofolo bele mbainye nekemalene, Yahudina ro miyae, Yunanina ro miyae, yebaei bubaeise nekate yo, ro hosoro, ro holo, miyae holo, nemene Allah mbai yae me baeume.

1 Timotius 1:12

Aei Tuhan Yesus Wali Ondofolo rare elae ikeufe Kiyaere helen foi sele wanale, rabuhine ban naendae mekai horo reyae Yesusre aukakare kowanale kiyae, Nare hakowainye holona yore weitasi koumiyekale, nane merau ro nansau nekewale, Allah rare yanekoi yase yae ei hawewoufe. Nebei hee reyae Yesusre hila rabo ehaleinye nebei yoni-yoni mokowalere onewale handawale. Naendae wanen horo reyae nda wali ma nekewale, Allah yae Naei a elelere hila rabo halaete yo yae erekeufe nane merau a ukeufe Naei kaliare mokorelere.

2 Timotius 1:1

Onomi foka Timotius, weyae raei kelu wanenne kena buhae haewale. Reyae Paulus, Allahle kena huluinye Yesus Wali Ondofolole abu akore isebondere kaeneufekoke. Allah yae are nuleungekoke Yesus Wali Ondofolo Naei a elelere hila rabo halenainyele ro miyaere wali hena bonare yemmile ako faeukobe reyae huwamale. Raei ebeli Ako Allahle aei Tuhan Yesus Wali Ondofololere bamaele ware kena buhae aere ban mae heneyete, yanekoi yase yae ei haungeyete, kena foi u foi yae mokoneyete.

2 Timotius 4:10

Rabuhine ban Demas nda kani kelana wali beko nibire kena kowolene eukuke, rare nukeufeboke, Tesalonika yona ewole. Kreskes, Galatia kanina ewole, nane merau Titus, Dalmatia kanina ewole.

Titus 2:13

Nda wali ma yae nekemale aei rei maise mokommekonde rabo halaende Kiyaere rakemande. Aei rei maise mokommekonde rabo halaende Kiyae nda Niyae: Allah Walilo, Wali Ondofolo Yesus, na bumana hele Kiyae Nauwa wili halaman ma mae benen bensonde mende.