Roma 7:10 - Allahle a neme heteungekoke homofae

¹⁰ Nane merau isaeyeubokale, raei u bene nekewaise wali hena bona yemmile naei wali heere foloukoke a mbai yae keleufeboke, na hele reyae Allah bele wahendekoke.

Roma 7:10 Referans Kwoze

2 Korintus 3:7

Musale walora wali heere folaikoke a huluinye ehakoiboi ro miyae Allah bele wahaeikoke. Nebei a yae na hului ro miyaere beko mokowoumi hororebe, Israel ro miyaere Allah nebei a rukane moloukoke ikeumi hee, Allahle one hengko bele ei aungeboke. Allahle one hengko kitainyeboke hehe yae naeungekokene nebei hehe elae ban yeiboyole hororebe, nebeinye ro miyae Musale be yoise kanenainyebondere kabewainye.

Roma 10:5

Wali heere foloukoke are hubara haeisa yaneunge aerene wali himalonainyele naeise Musa yae homofaene nda wanen moloukoke: “Nebei einye honate a nemene mokonate ro miyae, nebei suluinye wali hena bona nekenate.”

Galatia 3:12

Nebeibe Musale walora wali heere foloukoke are hakainye wali ma, Yesus Naei a elelere hila rabo halaeinye mekai ban sele. Nana hesele nde yae Musale walora wali heere foloukokere hubara haeisa yanende kiyae, nebei are kelaeimi hului nekende hele.

Roma 4:15

Wali heere folaikoke huluinye nekate ro miyae nebei are asasi konaikondena, ehee bukulu hainyemikonde. Nebeibe wali heere folaikoke u lon mae, asasi okoi nekande.

Roma 7:9

Na bere hele nebei wali heere foloukoke a isian mae nekewekale. Nebeibe ya mbai reyae isaeyeubokale Musale walora wali heere foloukoke homone nda a moloukoke, “Hiwa yo naei rambunde rowelere kena haehae okoijae.” Nebei hee reyae isaeyeubokale me u beko mokoimeyale nane merau Allah bele wahendekoke.