Roma 13:4 - Allahle a neme heteungekoke homofae

⁴ Mere mokaimi ro miyae mai foi naeise Allahle kaliare mokate yore yaeiboke, nebeibe u mekai beko eumokoubondena, nare fere faeumile yo niyae. Mere mokaimi ro miyae Allahle yebaei bubaei u mekai beko mokoi-mokoi yore ehee bukulu hainyaimile.

Roma 13:4 Referans Kwoze

Roma 12:19

Aka naei baeke naei, u mekai beko mokayeuboketere wenaeijae ebeyeijae hele. Naei foi sele Allahre waeungehinde ehee bukulu ennewonde. Rabuhine ban Allahle homofae einye Tuhan mae elewole are nda wanen molaikoke, “Reyae na u mekai beko erembende. Reyae ehee bukulu eremihayende.”

1 Tesalonika 4:6

Miyae yaromembena, ro mbai na aka baekere beko yae omokoyeijae, ame ame eyaneyeijae hele. Allah yae nda me u mokonaibonde yore ehee bukulu emmihayende. Na bere meyae angkaa yoboiboise mare nda a usaei yae uwayembe,

Roma 13:6

Bararebonde mayae pajak mokombe, rabuhine ban mere mokaimi yo Allahle yebaei bubaei yae me mokoi-mokoise na yane baei mokommiyende.

1 Petrus 2:14

nane merau ondofolo yae ukeumi mekate gubernur yoni-yoni bele naei are hubara haeisa yanemmile. Gubernur yoni-yoni ro miyae me u beko mokate yore ehee bukulu inyaimile naeise, nane merau me u foi mokate yore bumane kaemmile naeise.