Matius 7:4 - Allahle a neme heteungekoke homofae

⁴ Naendae wanen lon mae waka baekere wanae, ‘Mei, wa ijokona keren don reyae roufe,’ nebeibe waei ijokona o male bae na hibi mo honoimeyele?

Matius 7:4 Referans Kwoze

Matius 7:3

Rahe londe waka baekele wali na beko reufire mo a eleyae nebeibe waei wali naeise weyae ereiboi! Nda hului mbai waka baeke na ijokona kerende mo ereyae, waei ijoko einya o male aheukokere weyae isian nekeyae!

Matius 7:5

Weyae u bee-beere koyae kiyae! Na bemere waei ijokore aheukokete o malebe weinye. Wa ijoko yoloneukonde mo, nebeisa waka baekele ijokona keren weyae rowele.

Lukas 6:42

Naendae wanen mae wa aka baeke na ijokona kerende rowelere weyae weungele, ‘Mei, wa ijokona keren roufei,’ nebeibe o kaban waei ijoko einyare bae weyae ehubaisi sele! Weyae faeu kai bee! Wa ijokona o kabanbe rowei! Ijoko foi erele mo wa, nebeisa wa aka baekele ijokona keren rowele.”

Matius 23:24

Mayae be yun be yebae ijoko erei wanen nekaube. Rabuhine ban mayae wali heere foloukoke na berei ban kiyae kelaeumi, nebei na bereinya Kiyae ehakoiboi. Nebei wanen mbai anensimbe bu einya baendo kaei-kaeise mayae moise yaraube hayaube, nebeibe unta kaban anensimbe bu einyare mayae moise ehayei. Mayae na beko hele hubannembe!