Matius 7:15 - Allahle a neme heteungekoke homofae

¹⁵ “Ame-amere yanate yenjo kayaayore kayaa hebembe. Mai bokore domba wanen kena nime haba menatebe, serigala wanen hangkei sele.

Matius 7:15 Referans Kwoze

1 Yohanes 4:1

Kena buhaere haemale aka baeke, ro miyae nemene nauware Allahle Roh a weumi walora elenayende yo naei na hele yae eleyeijae. Ro miyae nauwara Allahle Roh a weumi walora elate yore umali hubammihimbe. Nebei mekai yae mayae isaeyembombe nebei roh Allahlena, Allahlena ban, rabuhine ban ame-amere kelaeimi yenjo kayaayo helen sele maijakauboke nda kani kelane faeungekoke oroyate.

Matius 24:11

Yenjo kayaayo na hele ban helen sele menaiyakande ro miyae helen wabenaimile.

Kolose 2:8

Kayaa hebembe, hiwa yo a na hele banbe, a yu bele yae kelenayengkombe mo, mai u benere aenemfombe bele. Nebei a kelaeimi ro miyae naei era henana nane merau nda kani kelana agama heere folaikoke are honaimina. Nebei a ro miyae naei u bene nekaimira keleyaimile, Wali Ondofololena ako faeukora ban. Nebei aerene naei a keleyaimile na hele ban.

Wahyu 19:20

Nebei obo yoku kiyae bele iwau mahi-mahire mokowole obo yoku bee nendo ame-amere kelewoumi yendo kayaalo kaenewainye kiyae bele na beene ikilaikoke. Na bere nebei iwau mahi-mahi mokowole kiyae yae nebei obo yokule ro uwane molaikoke ro miyae na be yoi ma mokaiboke rambunde ei molaimiyeke yore ame-ame wabewaimile. Nebeisa hokolo bee na wali-wali yae yaraikoke bumoko belerang bele i buloo-buloo benendene hayaeikoke.

Yudas 1:4

Reyae nda a wamale, rabuhine ban Allahre ei ehaweyei yo maleu-maleu wae mai u nolo u kainye mayeuboke nekate. Nda yo yae kelaeimi Allah aere kena buhae aere ban mae heumelene, eyae na hului u mekai bekore kena haehae kande hului mokomale. Nebei yo kelaeimi Yesus aei Tuhan hele mbai mo Kiyae Wali Ondofolo ban. Nebei holona yo naei ehee bukulu nendahina homofaene a nulainyekoke.

2 Petrus 3:17

Aka naei baeke naei, mayae maisaei a hele bande kelaeimi yo ame-amebe yanenayembe. Nebeinye, naei a elenatere kayaa hebembe, rabuhine ban nebei ame-ame kelaeimi yae mare yobonayembe mai hila rabo Wali Ondofolore haleungelera balembe belene.

Lukas 6:26

Mayae nda kanine eise moloimeyayembe yo beko hele hubannembe, rabuhine ban nendahina Allahle ban yenjo kayaayore naei wanen mbai aei yobe naei kamahe naei yae ei molowaimi!”

2 Timotius 3:13

Nebei hee mbai ro miyae beko neban bele yo nane merau ame-ame bele yo bele na u mekai beko yae emmimelende. Neyae ro miyae hiware ame-ame wabenaimile nane merau nauware ame-ame wabenaimile.

2 Timotius 4:3

Rabuhine ban bena honoifoyole ya mendene Wali Ondofolole na hele wali nibi a kelaeimilere boronatebe, nebeibe ro miyae kena okoi. Nebei holona ro miyae naei kenare kate huluinye hakonaikonderene, nebei are kelaeimi yo helen abunenate.

Filipi 3:2

Mai nolone ro miyae hiwa kelaeimi Musale walora wali heere foloukoke a huluinye ro holona naei ro uwa elan nenaisande hele. Nda are kelaeimi ro miyae u mekai bekobe mokate, wali niki bele yoku wanen yaeiboke. Mai uware kayaa foi hebemembe, nebei ro miyae yae kelaeimi a faeu oboroijae.

Efesus 4:14

Nebei heene eyae aei wali kelu omi wayeu wanen mae enekei. Kelu omi na hele are foi yae isaeyeiboi. Bu mokona alu ruwae boye yae ndire ndare kounge wanen mae nebei kelu omi wanen ro miyaere ame-amere kelaeimi naei a mongko-mongko waimi yore hakoyaimi.

Lukas 12:15

Nebeinye nekewate ro miyaere Yesus yae weumi, “Mauwa foi yae kayaa hebembe, kuikui maemaere kena haehae okoijae. Naendae wanen horore ro mbai kuikui maemae nolone nda wali heki nekeweube, nebei kuikui maemae yae nare wali foise eyei.”

Wahyu 16:13

Nebeisa reyae erale alaka euwara, obo yoku mbai nendo euwara, obo yoku bee nendo yendo kayaalo ame-amere keleumi kiyaele euwara, nali name hele na uwa ma hikae wanen maibaleke.

Efesus 5:6

Ro miyae a bangka-bangka yae ame-amebe mare wabenensimbere mayae oboroijae hele. Rabuhine ban nebei mekai me u ma yae mokate yo Yesus Wali Ondofolole a elelere oboroi, nane merau nebei yore Allah yae beko mokommibonde.

Kisah 13:40

Nebeinye wamale, aka naei baeke naei, angkaei foi yae borombe. Nda Allah yae elewole a Allahle yenjo kayaayo homofaene molaikoke hului mai nolone menjembonde belene, mauwa kayaa hebembe,

Yohanes 10:12

Ro miyae hiwa roise abunende naeise domba yoni-yoni kayaare hebate. Nebei wanen ro miyae han bele yoku mende erenainyelene, nebei domba yoni-yoni nukenaimibonde na fere habelenayende. Nebei han bele yoku domba yoni-yonire yokunende, here ware bonaimile.

Matius 16:11

Naendae mekai tonne mayae isaeyeiboi sele, feu naei abe Reyae eharaiboi eleikoi! Reyae wamale, Farisi holona bele Saduki holona bele naei ragire mauwa kayaa bele hebembe.”

Matius 16:6

Yesus yae weumi, “Farisi holona bele Saduki holona bele yo naei ragire mauwa kayaa bele hebembe.”

Matius 10:17

Uwa kayaa bele yae hebembe. Rabuhine ban mare ikilenayembe Yahudi naei yun-jun hebate bene mai wali hului kolonainyekombere mare kinyenayembe, nebeisa Allahre ei mom-mom imaene erahuae olenayembe.

Wahyu 17:6

Reyae nebei miyaere eranale fa hele bale, rabuhine ban Yesus Naei eleuboke wekeumi holona ro miyae Yesuslena isaeiwaimi yo naei ha rilaiboke yae mokounge nebei miyaere yun yambainyekoke.

Kisah 13:6

Siprus yokoba oroikoke yaneikoke, ekete Pafos yone. Nebei yone Yahudina ro mbai na ro Bar-Yesus hubayaeikoke. Na yun buloo maemae koungekoke. Nauware yendo kayaalo yae elewole.

Matius 7:14

Nebeibe romau melae bele nibi kiki bele nebei wali henare ate nibi niyae. Ro miyae na hangka hele nebei nibi aisubayekoke.

Wahyu 20:10

Obo yoku kiyae bele obo yoku bee nendo ame-ame keleumi yendo kayaalo kiyae bele hekelaikoke bumoko belerang bele i buloo-buloo bele benende mbainye walobo yun nebei felayore ame-amere beumiyeke kiyaere kainyehike. Nebei yo reniai rai no ban hee ban u buhae wa buhae nemmile konayende.