Matius 5:10 - Allahle a neme heteungekoke homofae

¹⁰ Allah Naei a elelere hakoyeunge aerene weitasi koyainye kiyae, neyae onomi foka hubannende. Nebei ro miyae Raei me kelee u keleene nekate holona ro miyae yae me baerebonde.

Matius 5:10 Referans Kwoze

Yakobus 1:12

Ro miyae kena bekore mokonnele rambun yoni-yoni menainyehubande heene kena yae heraweubonde na hibi-hibi Wali Ondofolole a weunge hului yae mokondena, nebei ro onomi foka hubanainyele. Rabuhine ban Allah are heteungekoke hului ro miyae Nare buhaere haeinyeke yore wali hena bona yae me buhaere inyemile. Nebei sului mbai Wali Ondofolole a weumi hului mokate ro miyae naei kena bekore mokounge rambun bele baensondera Allah yae wali hena bona me buhaere inyemile.

2 Korintus 4:17

Rabuhine ban nda heena kena beko u beko foma-foma bele nda wali fofone hubannera Allah yae nene waewae bele uwa yemmele huba ban haei ban nekamale. Allah yemmele wali ma na foi sele nda kena beko u beko bele wali mara.

Matius 5:3

“Ro miyae naei u mekai beko mokoyelera roiboyoungera alonnehandere, Allah mbai yae na hului hakonnebonde naeise isaeyeiboyele ro miyae onomi foka hubannende. Nebei ro miyae Raei me kelee u keleene nekate holona ro miyae yae me baerebonde.

Lukas 6:22

Reyae Allahle bokora mekale ro miyae uware yeubokale Kiyae aerene mare ikele konayembe, hukenayembe, a beko huwayembe, ro u mekai beko bele yae kaenenayembe yo onomi foka hubannembe.

2 Timotius 2:12

Wali Ondofolole aerene weitasi kaimere kena yae heraumandena, Wali Ondofolo aengkele mbainye mere emamokonde. Wali Ondofolore onaenne yae emalendena, Wali Ondofolo aere oneume yae enelengkonde.

Filipi 1:28

Nebei u mekai releyaunge yae mai a keleyaumire na hele ban elate ro miyaere fe efaei u mekai yae ennekembena, nebei yo isaeinyaibonde nare bekore emmimokonde iwaube yeuboke nebeibe mare holere molonembombe iwaube yeuboke, nane merau nebei rambunde Allah yae mokombonde.

Lukas 21:12

“Nebeibe nda rambun-rambun nemene ebei mo, Raei aerene mare nemene ikilenayengkombera, weitasi konayembe. Ei mom-mom imaene yaungayembombe embe a kolonayembe nane merau kawa eise henayembe. Rare hakaufe aerene yobonayembe ondofolo kose bene yensebembe.

Yohanes 15:20

Reyae uwamale are bene foi yae nekenayembe. Yebaei bubaei yoni-yoni na rowale na metete ban. Wali beko nibine orate yo hiwa Rare weitasi kowaisene, nebei wanen mbai mare weitasi konayembe. Ro miyae hiwa Raei ako faeuko huwamaele huluinye hakowaisene, nebei wanen mbai mayae huwembe are hakonate.

Wahyu 2:10

Beko yoni-yonira hubannele naeise buhae ohokoijae. Eren, walobo yun mae umalire hubanensimbe naeise, mokonnebonde mai u nolo u kaisa ro miyae holo mbai kawane ahemmikonde. Ya me bee mo beko hubannekombe. Raei ufembe a huluinye mo nekemembe enserembombena, wali hena bona bele me buhaere isembe.

2 Timotius 3:11

Weyae ijoko erewoyae ro miyae rare weitasi kowaise, reyae beko hubanale. Antiokhia yone bele Ikonium yone bele nane merau Listra yone rare beko mokowaisebe, nebeibe reyae Yesusre moi ebulei, weitasi kowaisera Tuhan mae hole moloufeboke.

Matius 25:34

“Nebeisa Reyae Ondofolo Kiyae Ra meube reufina yore ufemile, ‘Maeko yae foi yoni-yoni ei haweimeyembe holona, men! Nda kani kela mokouboke heera, mai naeise yo waku mbai mokoungehakene emembo.

Markus 10:30

nebei ro miyae holore nda hee yae rambun raka 100 yae barammibonde. Nebei rambun barammibonde nda niyae: imae obe, aka baeke, nenake, kelu omi, buro kela, nane merau weitasi konainyele. Nebeibe bena yane nda holona yo wali huba ban haei ban enaiyaronde.”

Lukas 6:20

Yesus na moisa orowate yore ereumikoke mo, nebeisa weumi, “Mayae keren ban nale ban yo na hului Raei me kelee u keleene nekembene, onomi foka hubannembe!

Matius 10:23

Yo hine weitasi konayembena, na kelaeunge yore yae hakangkombe embe. Reyae mare isaeyaemale, nana hesele Israel naei yo yoni-yoni honate mayae huba eimokoikoijae, Reyae Allahle bokora mekale ro miyae uware yeubokale Kiyae merele.”

1 Yohanes 3:12

Aei u mekai Kainbena wanen mae omokoijae. Naei u mekai bekone walobo yunbe holona rore yeuboke. Kain na u mekai beko nda niyae: nauwakele wali himaloungebokene nane merau na u mekai beko aerene nauwakere kena ikele kowounge houboke.

Kisah 8:1

Saulus nebei haibokere be hineumiboke. Nebei heera huba rawaiboke Yerusalem na jemaat einye ro miyaere weitasi kowaimilene, nebei abu ako riyana yo mo Yerusalem yone nekewate, ro miyae nemene Yesusre hila rabore halewainye yo helen heraeyeuboke, hiwa Yudea kanire bele Samaria kanire bele habelaeyeke.

Kisah 5:40

Gamaliellena a huluinye mo nebei yoyo koseyo hakaikoke. Yesusle abu akore kaenaimikoke mekate, ukaimile rahuaere mo baikoke, nebeisa a elae yae waimi, “Benen Yesusle Ro ehuweijae.” Nebeisa hayaeimikoke.

Matius 19:14

Yesus na moisa orate yore a elae yae weumi, “Rahene nebei fa-fa a hun kolaumi, waemmihi Raei bokore mai. Rabuhine ban ro miyae nde Rare hila rabo haleufe nda fa-fa naekole nenakele hila rabo haleyaimi wanen mae Raei me kelee u keleene nekate holone na hului enayembonde.”

Markus 10:14

Yesus nebei wanen hukewaimile erewolene a na ikele yae na moisa orowate yore weumi, “Raei bokore nebei fa-fa nendon waemmihi mai, a hun okolommimae! Nde naei nda fa-fa wali ma nekate yo Raei me kelee u keleene nekate holona ro miyaere yaeiboke.

Lukas 22:29

Raei yo waku einye mayae nendon Rangkele mbainye raman emanende naeise nane merau Israel naei akona akona me bee oro nen bee bele na orona mena yore naei walire mayae hului kolommile naeise, Maeko yo waku mbai kinyewoufe naei wanen mbai Reyae mare yo waku mbai kinyerembe.”

Yakobus 5:11

Nana hesele nebei holona ro miyae weitasi kowaimi hee, naei kena u herawainye na hibi-hibi Allah a uwoumi hului mokowate. Neyae onomi foka yae ei hauwoumi ro miyae yae erammile. Na bere hele Ayub beko hele hubawounge hororebe, na kena herawounge Allah a uwounge hului hakowounge. Mayae naei u mekai boroyaube nane merau Tuhan Allah yae rambun foi mokoungehake Ayubre kinyewounge naei mayae maisaei. Tuhan Allah kena buhae hei-sei Kiyae nane merau yanekoi yase yae ei hawei-sawei Kiyae.