Matius 3:5 - Allahle a neme heteungekoke homofae

⁵ Ro miyae Yerusalem yora, Yudea kanira, nane merau Yordan Wi kelaeunga yo honatera Yohanesle bokore hokoumeke.

Matius 3:5 Referans Kwoze

Markus 1:5

Ro miyae helen Yudea kanina yo yan honatera Yerusalem yora Yohanesle bokore a kala-kala anuwaufe hokoumeke. Na me u bekore wo kaikoke yo, Yordan wine Yohanes bu kowoumi.

Yohanes 5:35

Yohanesle ako faeuko isehe naeikoyole wanen mare naengkokembe. Nebeibe mayae na mon mbai ken nebei hehe naeukoke yae rei mai kenare mo molombokembera eweufike.

Yohanes 3:23

Salim yo kelaeunga anuwau mbai na ro Ainon. Nebei ijenne Yohanes bure koumi kiyae ro miyaere bu kowoumi, rabuhine ban bu helenne nane merau ro miyae helen nebei anuwaufe bure kommilere hokoumekene.

Lukas 16:16

“Musale walora wali heere foloukoke homofae bele Allahle yenjo kayaayo homone molaikoke bele a faeufe huwaimi meke Yohanes bure kowoumi kiyaele heene. Nebei heera Allah merau raungehike Naei holona ro miyae Raei me kelee u keleene nekenate a faeufe huwammi. Nda hee ro miyae elae relaeinye Raei me kelee u keleene nekate yo holone enayembondere.

Lukas 3:7

Ro miyae Yohanes bure kommilere nekai mewate nebeibe Yohanes yae weumi, “Nda ro miyae mewaube rami orona mena wanen. Nde yae angkaa yobombokembene Allahlena ehee bukulu menensayembera henensombe.

Matius 4:25

Ro miyae helen sele Galilea kanira, Dekapolis kanina yo me bee yora, Yerusalem yora, Yudea kanira, nane merau Yordan wi reufira mewate Yesusle moisa mo hakowainye.

Matius 2:1

Yesus Betlehem yone hongkate hee Herodes Ondofolore Yudea kanine nekewole. Nebei hee findelau mehinin mewalore isaei hebaen bele yo naufa Yerusalem yore mewate

Lukas 3:3

Yohanes Yordan Wi kelaeunga kanine meke nekewole, ro miyaere Allahle a huwoumi weumi, “Mai beko bakora nulu kenayembe, kelemmibombe naeise bu konayembe, Allah mai beko bakora faeinyenengkombe.”