Matius 27:52 - Allahle a neme heteungekoke homofae

⁵² Nane merau ruka bulei wewe molowate, Allah Naei eleuboke wekeumi ro miyae helen heraibokera ainyuke.

Matius 27:52 Referans Kwoze

1 Tesalonika 4:14

Eyae hila rabo halaende Yesus herekera waleuboke. Nebeinye eyae hila rabore halaende herewate yo na waline Yesusre hila rabo halewainyene, Allah mokonnebonde Yesus benen mende heene nda yo hakonainyekonde mbainye enainyekende.

1 Korintus 15:20

Nebeibe nda niyae na hele, Wali Ondofolo nulu yo mahe yora aunguke. Ani yelena yae kelaeimi na heki ban ani wauwau yaronate wanen, Yesus aunguke yae kelewoumi Allahle holona ro miyae herewate yo na hele ainyainyu enaikonde.

1 Tesalonika 5:10

Neyae aei aerene hereke, eyae wali namman nekande yae, heremale yae Yesus benen mende yane Nangkele nanembainye emanekende naeise.

1 Korintus 15:51

Angkaei borombo, Allah nunne heraweuboke honoweke abe wamale, eyae nanemene eisereiboi, nebeibe amin waku wanen rambun huba mokoikoi naei ranembonde hee yae waembin mae wembonde, eyae nanemene kakare ebei uwa yae bemmehonde. Nebei amin waku wanen rambun ranembonde mo, herewate yo kaka eyeiboi uwa yae amminunde nane merau eyae wali nekande yo bemmehonde.

1 Korintus 11:30

Nebei aerene mai u nolo u kainya hiwa male yambi koloukeumi, hiwa yo era buloo kate, nane merau helen solo heraikoke.

Kisah 7:60

Nebeisa oro selen-selen mae oukoroukoke kali na kaban mae kaenele, “Tuhan, nda beko nebei yo ranne ehayeijae!” Nebei are mo eleukoke na hibi na no hokoukoke.

Yohanes 11:11

Naei wanenda Yesus ukeumira nebeisa benen weumi, “Aei kahili Lazarus ijongkune eke honole. Nebeibe Reyae nda hee nebei yengkeikoise erelere.”