Matius 24:10 - Allahle a neme heteungekoke homofae

¹⁰ Nebei hee Rare hila rabo halaeise ro miyae helen bena wali niki belere bukenaibonde, hi yae hire kelai nenende, nane merau hi yae hire ikele konnele.

Matius 24:10 Referans Kwoze

Lukas 21:16

Ana yae arai yae, aka yae baeke yae, yoho yongko yae, hokolo uneyau wae, mai kelai nenayende. Hiwa yo mbemba mai nolora honaikonde.

Markus 13:12

Rare hakonsebombe aerene ro miyae helen mare ikele konayembe. Ro mbai na aka baekere enaisombonde naeise kelai nenende, nane hului mbai naeko yae na kelure. Kelu omi hiwa naeko nenakere angkaei oboroiboi konate, ro miyae hiware ungaimile honate. Nebeibe kena yae heraungayende Raei elele are hila rabo halenayende ro miyaere hole eremolombonde.

Matius 11:6

Ro miyae Rare hakoyaise aerene ehekaei hubayainyebe Rare moi ebulei yo onomi foka hubanainyende.”

Markus 4:17

Nebeibe nda a boraikoke aerene kena bekore mokoumi rambun hubanayendene bele weitasi kaimine bele nebei are na u hale hele nukeiboyainye, nebei ro miyae na kenane nda a kambu herawennele naei elae banne.

2 Timotius 4:16

Roko mbai nendo raei uwa are kolaimi yo riya bene yobaiseboke ekalere hi yae ha yae ehakoiboi, raei foi naei are eleikoi. Nanemene nukaiseboke. Reyae rabo halaele nebei u mekai kelaiseboke yore Allah yae beko ewei.

Matius 13:21

Nebeibe neyae kambu kanire ehireiboi einye hekire ehebeikoi. Nebei a faeu boroke aerene wali beko hubanainyele belene weitasi nare kainye belene nebei wali nibira u hale yae ungaiyende.

Matius 10:21

“Nda u mekai enaibende hele, ro miyae naka baeke nake mbainyare wali huluise koloyaimi yo naei me einye kinyenaimile. Naeko yae na kelure, kelu omi naei ako nakere nebei sului mbai enaimikinyende.

2 Timotius 4:10

Rabuhine ban Demas nda kani kelana wali beko nibire kena kowolene eukuke, rare nukeufeboke, Tesalonika yona ewole. Kreskes, Galatia kanina ewole, nane merau Titus, Dalmatia kanina ewole.

2 Timotius 1:15

Weyae waeisaei sele ro miyae Asia kanira hakaisekoke mekande yo nanemene aiweke rare nukaiseboke. Nebei holona ro bee Pigelusle Hermogenesle bele.

Matius 13:57

Nebei ro miyae Yesusre moi yae bulainyeboke. Yesus yae nda yore weumi, “Yendo kayaalo mbai ende ijenne be hinenainyende ei haungainyende, nebeibe naei yo yanne naei imae obene bere ehineiboi eise aiboi sele.”

Matius 24:11

Yenjo kayaayo na hele ban helen sele menaiyakande ro miyae helen wabenaimile.