Matius 22:42 - Allahle a neme heteungekoke homofae

⁴² “Mai u benera Wali Ondofolore naendae yae u bene nekayembe? Neyae ndele orona mena yae elaube?” Nda yo yae wainye, “Ondofolo Daudle orona mena.”

Matius 22:42 Referans Kwoze

Kolose 3:11

Nebei wanen bewatene Yahudi holo, Yahudi ban holo, ro uwa elande folowaimi holo, ro uwa elande ofoloikoi holo, kani hi holo, yangku holo, yebaei bubaei holo, yebaei bubaei ban holo, nebei holona nemene mbai yeuboke. Na bereinya hele Kiyae Wali Ondofolo Niyae, Naei ro miyae nemene na wali einye nekele.

Matius 1:1

Na bere hele Yahudi kanine ro mbai nekewole na ro Yesus. Neyae Yahudi ro miyae naei yobe mbai nendo Abrahambe orona menara yeuboke, nane merau Yahudi naei Ondofolo Kaban Daudle orona mena. Allah yae nda Yesusre Wali Ondofolore ranenjendere oro umau heraweungeboke. Yesus na yobe naei kamahe naei homone molaikoke nda niyae:

Yohanes 20:28

Tomas yae Yesusre weunge, “Raei Tuhan, Raei Allah.”

Yohanes 1:49

Nataniel yae weunge, “Guru, Weyae Allahle Kelu, Israel kanina ro miyae naei Ondofolo.”

Matius 21:9

Bere ate holona bele, na moisa mate holona bele kaenate, “Foi moi Ondofolo Daudle orona mena kelu. Allahle ro yae meke Kiyae, onomi foka hubanayende. Allah anuwau na bumana hele nekele Kiyaere eyae nemene ei moloman.”

Matius 14:33

Kai einya yo Yesusre ei molowainye wa elate, “Nana hesele Weyae Allahle Kelu.”

Matius 9:27

Nebei anuwaufa Yesus aloungekoke ewole mo, ro bee ijoko kumba na moisa hakoinyekoke kali ara nene kaenewoinye weinye, “Weyae Ondofolo kaban Daudle orona mena Kiyae, maere yanekoi yase yae ei haweumele ya!”

Matius 22:43

Yesus nda yore weumi, “Nebei mekai lonbe, naendae mekainye Daud yae Allahle Roh walora kelewoumi hee Wali Ondofolore naei Tuhan mae ro roungeboke. Daud nda a wanen mae eleukoke,