Matius 22:40 - Allahle a neme heteungekoke homofae

⁴⁰ Musale walora wali heere foloukoke a yoni-yoni nane merau yenjo kayaayo yae kelewaimi a nanemene nda bee yae nore yeiboke.”

Matius 22:40 Referans Kwoze

Roma 13:9

Nebei wali heere foloukoke nda a ukeume: ro miyae bele miyae ro bele uwa mbainye ohonoi naei, ro miyae ohoi naei, yoko ebaeyei naei, ro miyae hiwa naei rambun rowelere kena haehae okoyei naei. Mai uware kena buhae u buhae haeunge wanen mbai ya-ya mangkele wali nibi mbainye oraube ro miyae bele buhae hemmiyembena, wali heere foloukoke a nanemene mokaungeboke.

Matius 7:12

“Me naei u naeise mai kenare kaube huluinye ro miyae mokonayemberena, nebei sului mbai hiwa yore mokommile. Musale walora wali heere foloukoke homo bele, Allahle yenjo kayaayo naei homo bele, nebei a na no niyae.

Yohanes 1:17

Allah yae Naei yendo kayaalo Musale walora wali heere foloukoke abe ikeume. Nebeibe Allah yae Yesus Wali Ondofolole walora aere kena buhae aere ban mae heume nane merau Naei na hele wali nibire keleume.

Yakobus 2:8

Allahle homofae einya molaikoke Musale walora wali heere foloukoke a na yo me yan mere mokouboke kiyae nda niyae: “Mai uware haeunge wanen mangkele ya-ya wali nibi mbainye oraube ro miyaere kena buhae hemmile.” Nebei u mekai mokombena, mayae na ijenbe mokaube.

1 Timotius 1:5

U bene bele kena u bele yolo-yolo yae nekate ro miyae, Wali Ondofolo Naei a elelere na hele hila rabo halaeinyele yo, naeise naeise kena buhae u buhae haeimile. Ro miyae nebei wali ma nekenate naeise, nebei a elae weumile.

Galatia 5:14

Rabuhine ban Allah wali heere foloukoke nemene na no mbai sele nda niyae, “Kena buhae waei uware haenae wanen, nebei sului mbai ya-ya wali nibi mbainye oraube yore heumile.”