Matius 20:21 - Allahle a neme heteungekoke homofae

²¹ Yesus yae weunge, “Rahe rambunbe weyae kena koyae?” Zebedeusle miyae yae weunge, “Waei me kelee u keleene nekate ro miyae holo einye, reyae kena kale nda fa-fa bee na huluinya Wa meline meubene eumihangkonde.”

Matius 20:21 Referans Kwoze

Matius 19:28

Yesus yae weunge, “Reyae na helebe nda a wamale, nda kani kela neme ennebensonde hee Reyae Allahle bokora mekale ro miyae uware yeubokale Kiyae one hengko bele yae kendan wameranne nuwerebonde hee, mayae Rare hakaufekoke yo ro me bee oro nen bee bele (12) kendan wameran mokoungehake ranne enrombombe, Israel yoho yoni-yoni mai keleene enainyekende.

Matius 18:1

Petrusre ane uwounge hee yae na moisa orowate yo mekate Yesusre hinainye, “Waei me kelee u keleene nekate ro miyae nolone nde ro bele enainyerombonde?”

Kisah 1:6

Yesus Na abu ako bele nanembainye arileufike nekate mo, Nare hinainye, “Tuhan, nda hee yae Weyae Israel naei yo waku benen aungenundere?”

Markus 6:22

Nebei hee yae Herodiasle maengke meweufike, baene kowole. Ondofolo Herodes nebei kaenewoumi mekate yo bele nda maengke bae kole yae mokowoumi na kenare roweumihike. Nebeinye Herodes yae nebei maengke fare weunge, “Rahe rambun kenare kole riyeufehinde, reyae ware isete!

Matius 20:32

Nebeinye Yesus hebeunguke, hokolo beere kaeneumikoke mo, Yesus yae hineumi, “Rahebe mayae kena koube Reyae mokorebobere?”

Kolose 3:1

Mai kena u bele Wali Ondofolo bele nulu yo mahe yora annukembene, Wali Ondofolo Allahle meube reufi surgane ekenekele Kiyae kena kole rambunde mo u bene nekenayembe.

Roma 12:10

Ako nake mbainya aka baeke wanen mae maise naeise kena buhae u buhae hembe nane merau mere mokayembe holo wanen ei hawemmile.

Yohanes 15:7

Rangkele mbainye nekemalena, nane merau Reyae huwamale a usaei wasaei hubara haeise yanembena, kenare kaube rambun Maekore riyennele hului mare inyembe.

Lukas 22:24

Yesus na moisa orowate nolora aku yeuboke. Ro ndebe naei sele naei nolora rorele yae erenainyele (fe faenainyele).

Lukas 19:11

A elewolene namman nare borainye mo, Yesus nda ahuba ahuneuboke huwoumi, rabuhine ban Yerusalem yore Yesus naei nobaeinyekoke nane merau ro miyae u bene nekewaimile Yesus Yudea kani naei Ondofolore menjembonde hee nobeungeboke.

Lukas 18:41

“Waei kena koyae rahebe ware mokoreibotere?” Nda ro yae weunge, “Tuhan, raei kena kaban sele koyale benen ijoko ererelere.”

Markus 10:51

Yesus yae hineunge, “Waei kena koyae rahebe ware mokoreibotere?” Nda ro ijoko kumba yae weunge, “Guru, reyae ijokore ererelere kena kale.”

Roma 8:34

Ro miyae mbai sambai aere me onoyoi sului, rabuhine ban Yesus Wali Ondofolo, herekera benen nulu yo mahe yora aunguke Allahle kendan wameran meube reufine ekenekele Kiyae, aei aerene oleyele!

Markus 16:19

Aei Tuhan Kiyae, Yesus, a weumikoke baeufokera, surgare raneuweke ewole, Allahle meube reufine eunguweuboke.

Matius 20:22

Nebeibe Yesus yae weunge, “Rare riyarae a mekai wenaeijae isaeyeiboi.” Yesus euweke hokolo bere weumi, “Reyae andehinde bu kolaei mayae na hului aneisibe, ((Rare beko enaisehubande na hului mayae ennehubabe))?” Yesusre weinye, “Meyae na hului.”