Matius 19:21 - Allahle a neme heteungekoke homofae

²¹ Yesus yae weunge, “Waei kena haehae koyae wali himaloungebonderena, eye, waei keren nale honayete nanemene naise heukonde. Nebei keren nale heukonde na roi keren ban nale ban ro miyaere waheumikonde. Surgana eba he yae weyae eukowende. Nebeisa mele raei moisa meufakoubonde orayende.”

Matius 19:21 Referans Kwoze

Markus 10:21

Yesus nebei rore erewounge na kena buhae bele hewounge wa weunge, “Mbai sele waeinya kalore molote, eye waei rambun nemene naise heukonde mo, nebei roibe keren ban nale ban nekate yore yeumikonde. Nebei yae weyae keren nale surgane hononayete. Nebeisa rare hakoufebonde!”

Lukas 18:22

Nebei wanen eleukoke borokene, benen Yesus yae weunge, “Mbai sele honole niyae weyae mokoubonde hele. Waei rambun-rambun nemene naise heukonde, nebei roi keren ban nale ban yore waheumikonde. Nebeisa surgana hemboni relabe waeise enaijembonde. Nebeisa mele Rare hakoufebonde orayende.”

Lukas 12:33

Mai keren nale roi naise heiko! Nebeisa nebei roi keren ban nale ban yore waheumiyende. Ma me u foi mokombena, surgana hemboni rela wanen rambun hononayembe. Nebeinye yokoyo yae erowei, nane merau mane yae ofoloyei hononayende.

Lukas 14:33

Na huba mokoikoise wa Yesus yae weumi, “Mai nolora nde nerambun-rambun enukeiboi ehaiboinya, Raei moise hakonate holonane eyeisi sului.

Kisah 2:45

Rambun-rambun, keren nale, roi naise hewate. Nebei roi ro miyae nemene na kalore molowoumi huluinye wahewaimi.

Yohanes 12:26

Ro miyae Raei kaliare mokate yo Raei moisa hakonaikonde hele nane merau Reyae erenekende ijenne nebei u mekai ma yo nangkele. Nde yae Raei kaliare mokole kiyae, Maeko yae nebei kiyaere ennekaende.

Lukas 9:23

Nebeisa Yesus nebeinye ro miyae hebatere weumi, “Nde Raei moisa hakombonde kiyae, na kenare koyele wali mekai kena yae herawende hele, nebeisa Raei aerene ohaline bonaikonde ro wanen mae Rare hakonsebonde.

Yohanes 10:27

Raei domba holona yo Raei a faeukore boraise. Reyae nebei yore raemaele nane merau Raei moisa hakaisele.

Matius 5:48

Nebei aerene mai Arai surgane nekele Kiyae naei wali nekele ma, mayae nebei sului mbai wali himalennebombe hele.”

Lukas 16:9

Reyae wamale, nda kani kelana rambun yoni-yoni yae ro hi miyae hire hakoumiyendere, nebei wanen maere kahili wafeufe arilewende. Here mende, nda rambun yoni-yoni erabuhi ban inyaibonde nane merau surgare eweufinde ro bele melaeinyayeibote.

Matius 19:28

Yesus yae weunge, “Reyae na helebe nda a wamale, nda kani kela neme ennebensonde hee Reyae Allahle bokora mekale ro miyae uware yeubokale Kiyae one hengko bele yae kendan wameranne nuwerebonde hee, mayae Rare hakaufekoke yo ro me bee oro nen bee bele (12) kendan wameran mokoungehake ranne enrombombe, Israel yoho yoni-yoni mai keleene enainyekende.

Matius 16:24

Nebeisa Yesus na moisa orowate yore weumi, “Raei moisa hakombonde ro, naei kenare koyele wali mekai kena yae herawende hele, nebeisa Raei aerene ohaline bonaikonde ro wanen mae Rare hakonsebonde.

Lukas 6:40

Guru mbai naei isaei bumana na fa-fa keleumira. Nebeibe isaei isaeyaeikoke fa-fa na guru u mekai wanen mbai nekenate.

Lukas 5:27

Yesus nebei anuwaufa oro molouboke ewole yae, ro mbai na ro Matius pajakre arilate imaene nekewolebe erekeunge. Yesus yae weunge, “Rare hakoisobo!”

Markus 8:34

Nebeisa Yesus ahaunga hebate ro miyae helen bele na moisa orowate yo bele kaeneumi naei bokore menatere. Mekate mo ane weumi, “Rare hakonsebonde kiyae, nda wali ma mokonde hele: naei bekore kena haehae koyelere ehakoyei, naei ohali kaembonde, a ufende hului hubara haeisa yanende yae Rare hakonsebonde.

Matius 9:9

Yesus nebei anuwaufa oro molouboke ewole yae, ro mbai na ro Matius pajakre arilate imaene nekewolebe erekeunge. Yesus yae weunge, “Rare hakoisobo!” Matius aunguke na hibi Yesusre hakoungeboke.

Ibrani 10:34

Kawane ekaisebate yo yae kena beko hubainye ma mbai mayae hubawaunge. Nane merau mai rambun yoni-yoni yo hiwa yarowaterebe mai kena rei mai yae nekewaube, rabuhine ban mayae maisaei Wali Ondofolole einye foi bele huba ban haei ban hononende rambun bele mai naeibe honayembene.

Markus 2:14

Nebeisa fowole yae Alfeusle kelu Lewi pemerintah naei roise arilate imaene erekeunge nekewole. Yesus yae weunge, “Rare hakoisobo!” Lewi ewaunguke na moisa hakoungeboke ewate.

Matius 8:22

Nebeibe Yesus yae weunge, “Nda hee yae Rare hakoisobo. Raei a elalere hila rabo ehalei ro miyae herewate yo wanen. Nebei yo nenaeijae waemmihi heraiboke ro miyaere molonate.”

Matius 4:19

Yesus hokolo beere weumi, “Mebu, Rare meisehakoko. Reyae elae isebe. Nebei elae walora mayae ro miyaere baemile Raei me kelee u keleene menayorulembonde nekenate. Kare baeube wanen mae nebei ro miyaere baebebe.”

Matius 19:20

Nda ro yae weunge, “Nda warae nanemene mokoimeyale, rahebe erarae kalore moloufe?”

Matius 19:22

Nebei ro nda a wanen boroubokene na kena beko hele hubawoungene, aloungekoke ewole. Rabuhine ban nebei ro keren nale helen sele honowainyelene.