Matius 19:16 - Allahle a neme heteungekoke homofae

¹⁶ Ro mbai Yesusle bokore meke mo weunge, “Guru, rahe me u foi yae mokorebondene wali hena bona eitoufele?”

Matius 19:16 Referans Kwoze

Yudas 1:21

Mayae aei Tuhan Yesus Wali Ondofolo yanekoi yase yae ei hawenembe wali hena bona inyemekonde hee rakemembe yae, Allah kena buhae hembe Kiyaele a wembe hului nekembe.

Yohanes 3:15

Ro miyae nanemene Rare hila rabo halenaisele yo wali hena bona enaiyaronde naeise Reyae bumane nenaisijende.

1 Yohanes 5:20

Nane merau eyae isaeyaendeboke Allahle Kelu meke, eyae Allah na hele no Kiyaere romambondere isaei ikeume. Aengkele Allah bele Na Kelu Yesus Wali Ondofolo bele Nangkele mbainye nekemale. Wali Ondofolo Kiyae Allah helebe yeuboke, ro miyaere wali hena bona yemmile.

Matius 25:46

“Nda yo ehee bukulu hubanainyendere ele kali no ban hee ban anuwaunge enayembonde. Nebeibe ro miyae wali himalainyeboke holona wali hena bona nekenayende.”

Titus 3:7

Eyae Naei fa-fa helere imabonde naeise, nane merau wali hena bona yaromalere rabo elae yae halemande naeise, Allah nebei me u mokouboke. Na kena buhae aere ban mae heumekokene aei wali himaloumeboke walora eyae na hului naei fa-fa helere imabonde.

1 Yohanes 2:25

Eyae nebei wali ma nekemalena, Yesus Wali Ondofolo Nenaeijae are heteungekoke wali hena bona aere yemmele.

Titus 1:2

Neyae nebei ako faeuko hakonatena, na hului wali hena bona yaronatere rabo elaekei sele yae halenate. Allah ame-ame ebeyei. Nda kani kela omokoiboi heena Allah nda wali hena bona naei a eleukoke.

1 Timotius 6:19

Nebei mekai yaere bena ya fokehonole naei rambunde arilenate naei aehube raufike, mende yane wali hena bona yaronate, wali na foi sele.

1 Timotius 6:12

Wali Ondofolo Naei a elelere hila rabo haleimeyeyae naei nana hesele yae releungele. Allah kaeneukokete waei hila rabo Wali Ondofolo Naei a elelere haleungele naeise ro miyae helen bene wo koukokae heena, wali hena bona ikete. Nebei wali foi einye nekele.

Kisah 16:30

Nebeisa hokolo beere yaweumiboke maibaleke weumi, “Hokolo bee, rahebe reyae mokorebondera wali hole molonsebonde?”

Roma 2:7

Ro miyae u mekai foi na hibi-hibi mokayeke walora uwa emmikaende naei bele be emmihinende naei bele nane merau wali hem ban kana ban belere baete yore, Allah yae wali hena bona emmiyende.

Yohanes 12:25

Ro miyae nde naei wali bekore kena kole kiyae na wali hole omoloiboi sului. Nebeibe nde yae nda kani kelana wali bekore na kenara ikele yae kole kiyae, na wali hole moloungeboke nane merau wali hena bona rowende.

Yohanes 10:28

Nebei holona ro miyaere Reyae wali hena bona yaemaele, beko eibei nekenayende. Hi yae ha yae nebei ro miyae Raei mera einyukeisai sului.

Yohanes 6:68

Simon Petrus yae weunge, “Tuhan, ndere hakomanelere wamae? Waei a faeu wali hena bona bele kiyaebe wamae.

Yohanes 6:47

Reyae nana heselebe wamale, Raei a elalere hila rabo halaete ro miyae wali hena bona bele nekenaimile.

Yohanes 5:39

Allahle homofae mayae uwa niheisiyaunge yae isaei-isaei isaeyaeube. Mai u benera nekayembe, nebei homofae walora wali hena bona yarombe. Nebeibe Allahle homofaena a faeu hamaunge Raei uwa naei abe mare isaeimeyayembe.

Yohanes 4:14

nebeibe Reyae isende bu anensinde Kiyae bukire ehubasi nekenende. Reyae isende bu yae anensindera nauwa einye bu no wanen yembonde, na hibi-hibi rilennende, wali hena bona hubannende.”

Matius 19:29

Nane merau ro miyae nde Raei ro aerene naei imae obe, naei aka baeke, ako nake, kelu omi, na buro kela nukewole, nebei kiyae raka rorele u maehae mbai (100) sele nebei rambun nukewolere enjarongkonde nane merau wali hena bona endowende.

1 Timotius 1:16

Reyae nebei u mekai yae nekewale hororebe, Yesus Wali Ondofolo yae reyae u mekai na beko hele nekewale kiyaere yanekoi yase yae ei hawewoufe. Ro miyae Nare hila rabo halenate wali hena bona enaijaronde yo ijoko erenate Yesus Wali Ondofolo kena hebaen-sebaen na kaban sele nekele naeise, Neyae rare yanekoi yase yae ei hawewoufe.

Matius 19:26

Nda yore kaeneumikoke wa Yesus yae weumi, “Ro miyae yae nda rambun omokoi hului, nebeibe Allah yae rambun nanemene na hului mokoikoyele!”

Matius 19:15

Nebeisa Yesus na mere mo nda fa-fa naei yun ranne koloumikoke. Baeufokera mo Yesus nebei anuwaufa kulun uke ewole.