Matius 19:10 - Allahle a neme heteungekoke homofae

¹⁰ Yesus na moisa orowate yo yae wainye, “Rore miyaere yeiboyete na mekai nebei wanenna, naei foi sele ro miyae eyaroi, miyae maengke rore ei.”

Matius 19:10 Referans Kwoze

1 Timotius 4:3

Nebei yo yae kelaeimi ro miyaere eyaroijae, miyae rore eijae, nane merau raman hiwa aneijae. Nebei kelaeimi are ame-ame baete, rabuhine ban Wali Ondofolore hila rabo halaeinye ro miyae Naei na hele wali nibi are rainyeboke yo Nare helen foi yae ungainyelera anenaikonde naeise, Allah nebei raman mokouboke.

1 Korintus 7:8

Mayae miyae an bele ro ei nekaube yo bele rora molaukoke miyae nannale nekaube yo bele nda a usaei ma yae haraungebokale wamale, nda hee nekaube ma raeinya wanen nekale ma foi bele.

Matius 19:9

Nebeinye Reyae mare wamale, Nde yae na miyae ro hi bele uwa mbainye honoikoke aerene ban nennehinde, nebeisa maengke hi benen rowendena, nebei ro yoko kaeimaebe koukoke.”

Matius 19:11

Nebeibe Yesus nda yore weumi, “Ro miyae nanemene miyae ehurei a kelaemalere ehakoiboi sului, Allah Naei a elelere hakainye holona ro miyae mo na hului nebei a elelere hakonainyebonde.