Matius 12:16 - Allahle a neme heteungekoke homofae

^16-17 Allahle yendo kayaalo Yesaya yae Yesusle naeise nuleungekoke a na hului yembonde naeise, nda ro miyaere a hun kolowoumi Naei uwa naeise hiwa yore ehuweijae.

Matius 12:16 Referans Kwoze

Matius 17:9

Mokora owate hee yae hokolo namere Yesus a hun kolowoumi wa weumi, “Reyae Allahle bokora mekale ro miyae uware yeubokale Kiyae nulu yo mahe yora arenunde ya nammanne, mayae ijokore eraukoke rambun ro miyae hiwa yore ehuweyeijae.”

Matius 9:30

Na hibi hele hokole bee na ijoko erewote. Yesus nebei beere a hun raumihike weumi, “Ro miyae hiwa yore nda yeuboke a eisuweijae hele.”

Matius 8:4

Yesus nebei rore weunge, “Boroyae, ro hi miyae hire eisuweijae. Oro moloubonde imamde hebele kiyaele bere ele, onomi yeuboke naei uwa yakaungebonde. Musale walora wali heere foloukoke a huluinye Allahre hili era akau erare ongkou wae felennekonde naeise obo yoku mbai yeungele. Nebei mekai yae isaeyeumibonde weyae na hele onomi roukae.”

Markus 7:36

Yesus yae ijokore eraiboke yore a herauwoumi nda rore onomi ikeungere hiwa yore ehuweyeijae. Yesus a hun kolowoumibe, eraiboke yo yae na hibi-hibi huwayeke ndire ndare yobainyeke.

Markus 3:7

Kapernaum yora Yesus na moisa orowate yo bele Galilea bukobare ewate. Yesus rambun emere-emere mokowole borowatene ro miyae helen bolen hakainyekoke. Galilea kanira, Yudea kanira, Yerusalem yora, Idumea kanira, Yordan wi enaa reufira, Tirus yo bele Sidon yo bele yo honatera hokoumeke.