Matius 11:7 - Allahle a neme heteungekoke homofae

⁷ Yohanes yae ukeumi mekate yo ewate mo, Yesus huba raweuboke ro miyae helen hebatere Yohanesle ane weumi, “Rahere erembomberene mayae a kala-kalare eyewaube, nebeinya kena u wauwaufe koyate holona ro mbai naei u mekai o mbai alu yae ndire ndare kuseunge wanende erembombere?

Matius 11:7 Referans Kwoze

Yakobus 1:6

Nebei isaei hebaende riyensinde ro miyae Allah yennelere hila rabo halende hele, kena u wauwau okoi yae. Rabuhine ban ro miyae kena u wauwau koyate yo naei u mekai nau buna alu raweiboyole ruwae boye yae ndire ndare kounge wanen.

Yohanes 5:35

Yohanesle ako faeuko isehe naeikoyole wanen mare naengkokembe. Nebeibe mayae na mon mbai ken nebei hehe naeukoke yae rei mai kenare mo molombokembera eweufike.

Efesus 4:14

Nebei heene eyae aei wali kelu omi wayeu wanen mae enekei. Kelu omi na hele are foi yae isaeyeiboi. Bu mokona alu ruwae boye yae ndire ndare kounge wanen mae nebei kelu omi wanen ro miyaere ame-amere kelaeimi naei a mongko-mongko waimi yore hakoyaimi.

Lukas 8:18

Nebeinye Reyae wamale a naeise u bene foi yae nekenayembe. Mayae Allahle isaei hebaen mokombombena, Allah mare benen hi baranembombe. Allahle isaei hebaen bele kiyae helen barannele. U kiyae naei u bene nekainye hului honainyele bele enjarongkonde.”

Matius 21:25

Yesus nda yore hineumi, “Ndele ro yae Yohanes ro miyaere bure kowoumi, Allahle ro yae, ro miyae naei ro yae?” Nda yo nenaei mo a kolainyekoke wa elate, “Eyae umande, ‘Allahle ro yae,’ Neyae wemmele, ‘Nebei mekainya rahene mayae nare na hele yae eleikoi kowaube?’

Matius 3:5

Ro miyae Yerusalem yora, Yudea kanira, nane merau Yordan Wi kelaeunga yo honatera Yohanesle bokore hokoumeke.

Yohanes 1:38

Yesus ereumi hokolo bee na moisa hakoinyekoke metene, euweke mo hineumi, “Mayae rahebe baeimeyeube?” Hokolo bee yae weinye, “Rabi (na mekai, Guru), Weyae makeinye nekeyae?”

Matius 11:8

Rahere erembombere eyewaube, ro mbai malo maye-maye hireukokere erennebombere? Niyae ban! Ro miyae malo maye-mayere hirate yo bae naei anuwau ondofolo yoni-yoni naei imaena.

Matius 12:20

Hila rabo holei-holei an ro miyae wali o ha ba bele wanen nane merau ye rondon wanen. Nebei yo Neyae mokommile naei hila rabo elae halenate. Nebei me u Neyae mokonde mende ro miyae nemene Allah Naei me kelee u keleene enayorulengkonde nekenayende.