Matius 11:6 - Allahle a neme heteungekoke homofae

⁶ Ro miyae Rare hakoyaise aerene ehekaei hubayainyebe Rare moi ebulei yo onomi foka hubanainyende.”

Matius 11:6 Referans Kwoze

1 Korintus 2:14

Allahlena Roh ban ro miyae nebei Roh yae yakaumi are na hele elei, rabuhine ban nebei rambun yoni-yoni a bangka-bangka merau eraimi. Nebei ro miyae isaeyeiboi sului, rabuhine ban nebei rambun yoni-yoni Allahle Roh walora mo hamenaimile.

Matius 26:31

Nebei mokone Yesus na moisa orowate yore weumi, “Na mana huae hele mayae nanemene Rare nukensebombe ma fere-fere habelemembe. Allahle homofaene mai naeise Allah yae domba wanen ahuneuboke. Nda a mekai homone molaikokene, ‘Reyae domba be neiboi ro horobondera, na domba na fere-fere here ware wembonde.’

Yohanes 6:66

Nebei heera Yesus na moisa orowate yo helen nukainyeboke, Yesus na moisa hakonainyekonde oronayendere ahi yae elewate.

Matius 24:10

Nebei hee Rare hila rabo halaeise ro miyae helen bena wali niki belere bukenaibonde, hi yae hire kelai nenende, nane merau hi yae hire ikele konnele.

1 Petrus 2:8

nane merau nebei homone molaikoke: “Nebei ruka yae ro miyaere mokommile orore nalemmihinde ana balenate.” Nebei ro miyae Yesus Naei a elelere ehakoiboinye nalemmihinde balenate. Nane merau Allah yae merau raungehike nebei yo nalemmihinde balenate.

Matius 18:7

Nda kani kelana ro miyae hiware mokommile beko mokonaikonde ro miyae, beko hele hubanainyele. Rambun beko na hibi-hibi baete, nebeibe naei beko hele nebeise mokonate ro miyae.

Galatia 5:11

Aka naei baeke naei, ro uwa elande folate era hena naei a reyae namman huweimeyamaele yae, rahe londe Yahudi ro miyae weitasi yae rare kaisele? Nebei mekai huweimeyamaele yae, Wali Ondofolo ohaline baikokere Yahudi ro miyae naei oro halunde eyeiboi.

Lukas 2:34

Simeon Allahre riyeungehike hokolo namere onomi foka yae ei hawemmile, nebeisa Mariare weunge, “Allah nda fare eleuboke wekeunge Israel ro miyae helen ehee bukulu yemmile nane merau helen onomi fokare yemmile. Neyae Allahle bokora meke are elendebe, nebeibe ro miyae hiwa Naei a beko hungaimile.

Matius 5:29

Na hului nda wali nekandene ijoko mbai era buloone elaekei sele konde. Na foi sele nebei ijoko mbai keleufinde, ijoko bee yae euferende belene. Nebei sului mbai weyae na hului u bene beko nekenayetene, weyae rambun beko ijoko yae ereubonde. Naei foi sele waei u bene bekore herawewende, weyae narakare ele belene.

Matius 13:21

Nebeibe neyae kambu kanire ehireiboi einye hekire ehebeikoi. Nebei a faeu boroke aerene wali beko hubanainyele belene weitasi nare kainye belene nebei wali nibira u hale yae ungaiyende.

Markus 6:3

Aeisaeise nekande neyae ore ahuneweke kiyae. Meyae ranneboke nenake Maria nauwake wa Yakobus, Yoses, Yudas, Simon? Nemaen wa aengkele nekande.” Nebei yo Yesusre moi yae bulewainye.

Lukas 7:23

Ro miyae Rare hakoyaise aerene ehekaei hubanainyelebe Rare moi ebulei kiyae, onomi foka hubanainyende.”

Yohanes 16:1

“Raei wali nibira wemembe belene, nane a nemene Reyae huwamale.