Matius 10:27 - Allahle a neme heteungekoke homofae

²⁷ Mare huae yae uwamale a nebei a mbai na rai yaka yae wemmile. Mare angkaei kelaeufa a maehae-maehae yae uwamale a ro miyae nemene na yaka yae isaeinyaibondere imae malira wemmile.

Matius 10:27 Referans Kwoze

Kisah 5:20

Malaikat yae nebei abu akore weumi, “Eme, Allahre ei mom-mom imae na kaban sele kiyaena imaehounge ensebembombe, Wali Ondofolore hila rabo enainyehalende walora wali neme rowembe a faeu ro miyae helende huwemmile.”

Yohanes 16:13

Nebeibe Allahle Roh, na hele no Kiyae mende ya wa, Neyae na hele wali nibine yawenembe. Rabuhine ban Naei uwa naei abe elei, nebeibe a wennele Kiyaelena boronde abe enelende. Nane merau bena yane enaibende naei Neyae mare isaeinyembe.

Yohanes 16:1

“Raei wali nibira wemembe belene, nane a nemene Reyae huwamale.

Kisah 5:28

Neyae weumi, “Nebei Ro kelaeumi meyae mare hee nekayembe. Nebeibe nda Yerusalem yo eise mainya a usaei yae eufureukoke. Mayae na hibi-hibi mo kelaeumi meyae nda Yesus Kiyaere handeboke.”

Yohanes 16:29

Na moisa orowate yo yae Yesusre wainye, “Nda hee ya wa na yaka-yaka yae weyae wamae, a ahumbo-ahumbo yae ehuwei.

Yohanes 16:25

“Nda are nanemene Reyae a ahumbo-ahumbo yae mo mare huwamale. Na ya bele mensembonde Reyae a ahumbo-ahumbo yae benen mare ehuwei. Nebeibe Maekole u mekai naeise na yaka-yaka yae mare hufembe.

Lukas 8:10

Yesus yae weumi, “Raei me kelee u keleene nekate ro miyae holo naeise na nunna honate rambun isaeyembombe naeise mare mo ikembe. Nebeibe, ro miyae hiwa naeise Allahle yendo kayaalo Yesaya nda a homone mokoukoke, ‘Neyae erenatebe, ijoko ereiboi nane merau boronatebe, isaeyeiboi.’ Nebei a hului benatene ro miyae hiware ahumbo-ahumbo yae huwamaele.”

2 Korintus 3:12

Meyae rabo elae halaende Allah are heteungekoke a huluinye mokonde aerene, meyae be bele rabulandeboke Wali Ondofololena a foi faeu foise huwande.

Kisah 17:17

Nebei aerene, Paulus yae ei moloi-moloi imaene Yahudi ro miyae bele Allahre eise hawainyeke Yunani ro miyae bele Allahle homofaene a molaikokera Yesusle naeise kelewoumi. Nane merau naise haete ijenne ro miyaere Paulus yae nebei sului mbai kelewoumi.

Matius 24:17

Holokare okoi ma imae bumana ro miyae rambun imae einya roweise oijae.

Lukas 12:3

Reniai yae elewaube a faeu, rai yae boronate. Ro miyaere angkaei kelaeufa a maehae-maehae yae yowa einye uwaumi, a yaka bu yakane kaenenate.” ((Nebei aerene u mekai be bee bele yae enekeijae.))