Matius 1:18 - Allahle a neme heteungekoke homofae

¹⁸ Yesus Wali Ondofolore hongkate na mekai ma nda niyae: Yesus nenake Maria Yusuflere endere be hinainyeboke, rore miyaere namman eyeiboi mo, Allahle Roh yae aungebokene Maria emale yeuboke.

Matius 1:18 Referans Kwoze

Ibrani 10:5

Nebei aerene Yesus Wali Ondofolo nda kani kelare meke hee, Ondofolo kaban Daud moloukoke wanen Yesus yae Allahre weunge, “Allah Ware obo yoku bele ani era bele ongkoufe felaeimekete nane merau hili era akau era iwayete Weyae kenare okoi, nebeibe hili era akau era wanen Raei uwa Weyae mokoungehakae kinyerebonde naeise kena koyae.

Ibrani 7:26

Nebei wanen imam kaban na hului aere na hibi-hibi hakommele. Naei u mekai nda wanen nekele: Allah Naei naeise Nare eleuboke wekeunge, Nare a beko ewei sului, u mekai yolo-yolo, me nene u nenere kate ro miyae holone ebaeiboi, nane merau kunsoboi waufoboi ranne ekaikaeinye.

Lukas 1:25

Nda a bae elewole, “Ro yae miyae yae kiho nekewekalene a wewe kaisekere Allah nou heufekoke. Mana yara onomi foka Allah meufeyeke.”

Matius 1:1

Na bere hele Yahudi kanine ro mbai nekewole na ro Yesus. Neyae Yahudi ro miyae naei yobe mbai nendo Abrahambe orona menara yeuboke, nane merau Yahudi naei Ondofolo Kaban Daudle orona mena. Allah yae nda Yesusre Wali Ondofolore ranenjendere oro umau heraweungeboke. Yesus na yobe naei kamahe naei homone molaikoke nda niyae:

Matius 2:11

Nebei imaene ayeuboke nebei Fa melae nenake Mariale nekewote hubayaeikoke, uwa are nihaeinyehike ei molowainye. Na run kangke wewe molaimiboke, na hili era akau era foi sele yarowate, nebei Fare kolowainye. Nebei rambun nda niyae: mas, kemenyan, mur.

Matius 12:46

Ro miyae helende Yesus ane weumi hee yae, nenake nauwake wa bele mekate. Yesus naei are elenaikonderene moinye hebewate.

Lukas 2:5

Yusuf Maria na miyaere yembondere ehe kaikoke kiyae bele ro haungeikonde naeise nanembaisa ekete. Nebei hee Maria emale yeuboke yae.