Lukas 9:19 - Allahle a neme heteungekoke homofae

¹⁹ Na moisa orowate yo yae wainye, “Ro miyae hiwa Ware Yohanes bure koumi ro yae elate. Nebeibe hiwa yo yae Ware Allahle yendo kayaalo Elia yae elate. Na hiwa yo yae Ware bena yenjo kayaa yo nolora hibe benen aunguke yae elate.”

Lukas 9:19 Referans Kwoze

Yohanes 1:21

Neyae benen hinainye, “Nebei wanenna, weyae nde? Allahle yendo kayaalo Elia era?” Nebeibe Yohanes yae weumi, “Niyae ban.” Nebei yo yae benende hinainye, “Weyae Allahle yendo kayaalo kaban mendere meyae rakanne kiyae era?” Nebeibe Yohanes yae weumi, “Niyae ban.”

Markus 6:15

Hiwa yo yae elate, “Neyae Allahle yendo kayaalo Elia!” Hiwa yo elate, “Neyae yendo kayaalo hi bena yenjo kayaayo wanen.”

Matius 14:2

Nare hakowainye yore weumi, “Na hele nda Yohanes bure kowoumi kiyae nulu yo mahe yora aunguke. Nebei mekainye neyae elae rouke rambun emere-emere mokole.”

Yohanes 9:17

Nebeisa Farisi holona yo yae nebei rore benen wainye, “Waei ijoko foi mokouboke aerene nebei Kiyaele naeise, weyae rahe ma yae eleyae?” Nebei ro yae weumi, “Raei u benera nekeufe nebei Kiyae yendo kayaalo.”

Yohanes 7:40

Yesus yae elewole a borowate nolona ro miyae hiwa yo yae elate, “Wali Ondofolo mende naeise bere holo yae mende yendo kayaalo, nda niyae hele.”

Yohanes 1:25

Nebei yo yae Yohanesre hinainye, “Weyae Wali Ondofolo ban, Allahle yendo kayaalo Elia ban, nane merau Allahle yendo kayaalo meyae rakanne kiyae ban donbe, ndele ro yae weyae bu kamae?”

Matius 3:1

Ralo yakama 30 hului mainyekeukoke mo Yohanes bure koumi kiyae Yudea kanina a kala-kalane na uwa meumiyakauboke ahuba huwewoumi weumi,

Markus 6:14

Rambun emere-emere Yesus mokowolene, a hina a hina yo Nare isaeyaeiboke. Nebei abe yoboungekoke Ondofolo Herodes borouboke. Ro miyae hiwa yae elate, “Neyae Yohanes bure kowoumi kiyae herekebe benen waleuboke. Nebeinye rambun emere-emere mokole.”

Lukas 9:18

Ya mbai Yesus ebeline nembai eke bowole mo, na moisa orowate yo Na bokore mekate. Yesus yae hineumi, “Ro miyae Rare nde yae elate?”

Lukas 9:20

Nebeinye Yesus yae hineumi, “Mayae bae Rare nde yae elaube?” Petrus yae weunge, “Tuhan, Wembai Allah yae oro umaufe heraweibokete Wali Ondofolo.”