Lukas 8:24 - Allahle a neme heteungekoke homofae

²⁴ Nebeinye Yesus na moisa orowate yo ekate nare yengke wainye, “Tuhan, Tuhan, eyae bune obulemakondere kande ya!” Nebeisa Yesus aunguke nebei alu rawele bele ruwae kaban belere a elae ukeungera uke kalaungeboke.

Lukas 8:24 Referans Kwoze

Lukas 4:39

Simon na miyae nenake honole ijende Yesus eke, nebei naume hukeungehike, na hibi foi rouke. Nebei miyae aunguke Yesus naei mekatene humfo wamfo bewole.

Lukas 5:5

Nebeibe Simon mae Yesusre weunge, “Tuhan, nda reniai koko lon mehi mehi hayeyandere bae, ka mbai sambai maei waunge ofoisi mo! Nebeibe weyae ukaraene reyae benen ufoyondere.”

Matius 14:30

Nebeibe nauwala ruwae erewolene buhae hokoungeboke bae nauwa ruwambonde wanen hubawoungene kaenele, “Tuhan, rare hakoisobo!”

Matius 8:25

Na moisa orowate yo ekate yengkainyekoke aunguke, wainye, “Aei wali hole moloibo! Meyae bune anemabonde bele!”

Markus 4:39

Yesus aunguke, alu rawelere a elae yae haeungeboke, “Heinyu!” Na hibi alu heunguke nda bukoba kalauboke yawole.

Lukas 4:35

Yesus yae nebei alore weunge, “Hileibo! Nda role u bulura eituwe!” Nebeisa ro miyaele bene alo yae nebei rore kaeuboke woke na maleu-maleu wae eukuke.

Lukas 8:25

Nebeisa Yesus kai einya yore weumi, “Rare hila rabo haleyaufe wauwaunge era mayae buhae hele hokombokembe!” Nebei yo na buhae bele hokowoumi fa yae bowate. Naeise naeise elate, “Nda ro nde maeninne? Alu boyene, alu ruwaene naei a bele weumi nane merau Naei ane boraiboke!”