Lukas 5:15 - Allahle a neme heteungekoke homofae

¹⁵ Naendae wanende bae, Yesusle a heraeyeuboke elewate nane merau ro miyae helen sele Naei a faeu elewole borayeke naeise, nane merau nera buloo kayeke hireumiyeke onomi yaronaikonde naeise, Yesusle bokore mewate.

Lukas 5:15 Referans Kwoze

Lukas 12:1

Ro miyae nekai sekai sele kilin-kilin hoi-soi, oro hi ran hi ranne hebayeke. Nanene hebate wa Yesus na moisa orowate yore weumi, “Farisi kelaeimi are kayaa foi yae hebembe. Rabuhine ban naei u mekai be bee bele yae nekate. Ragi ebi ken mokounge tepung kaban ohulembonde wanen Farisi yae a kelaeimi na hului mokonaimile ro miyae helen u bene beko nekenaimile.

Markus 1:45

Nda ro Yesus yae ukeunge a huluinye ehakoiboi. Naei ewole ijenne huweumiyeke. Nebeinye Yesus yo hire na u yaka yae endere kabewounge, yo moinye aku ban nau ban anuwaunge nekewole. Nebeibe anuwau hira-hira ro miyae Nare hubainyaikondere hokoumeke.

Matius 9:26

Allahre ei mom-mom imae naei yun na maengke waleungeboke a eungeyoboukoke. Nebei kanine nekewate ro miyae nemene borowate.

Markus 1:28

Yesus nda ma mokouboke hasale hele a eungeyoboukoke, Galilea kanina yo honate boraiboke.

Yohanes 6:2

Ro miyae helen Yesusle moisa hakainyekoke, rabuhine ban nenaei ijoko yae erewate erana buloona yore onomi iwoumi.

Lukas 14:25

Ro miyae helen sele Yesusle moisa mewate. Euweke erekeumi mo weumi,

Markus 3:7

Kapernaum yora Yesus na moisa orowate yo bele Galilea bukobare ewate. Yesus rambun emere-emere mokowole borowatene ro miyae helen bolen hakainyekoke. Galilea kanira, Yudea kanira, Yerusalem yora, Idumea kanira, Yordan wi enaa reufira, Tirus yo bele Sidon yo bele yo honatera hokoumeke.

1 Timotius 5:25

Nebei sului mbai me u foi na yaka yaeiboke nane merau me u foi hiwa na nunne mo bena honoifoyole hee yakanaibonde.

Matius 9:31

Nebeibe hokolo bee nebei imaera eibaleke Yesus onomi ikeumi abe nebei yo ran yo ranne huweyeke eungeyobouboke borowate.