Lukas 5:11 - Allahle a neme heteungekoke homofae

¹¹ Nebei yo na kaise mo yobaiboke yaufe ike bae, nemene fomene nukaiboke hayaiboke Yesusre hakainyekoke.

Lukas 5:11 Referans Kwoze

Matius 4:20

Nebei a boroibokene, na hibi hele na ka baei-baei kalia nukeiboke, Yesusre hakoinyekoke.

Lukas 5:28

Lewi aunguke nemene fomene nukeuboke hayeuboke Yesusre hakoungeboke.

Matius 19:27

Nebeinye Petrus yae Yesusre weunge, “Meyae mokandeke rambun nanemene nukewande haiwande, ware mo hakayekokete. Nebei mekainye rahe era yae meyae emayarongkonde?”

Markus 10:21

Yesus nebei rore erewounge na kena buhae bele hewounge wa weunge, “Mbai sele waeinya kalore molote, eye waei rambun nemene naise heukonde mo, nebei roibe keren ban nale ban nekate yore yeumikonde. Nebei yae weyae keren nale surgane hononayete. Nebeisa rare hakoufebonde!”

Matius 10:37

“Ro miyae nde yae naeko bele nenake belere nane merau na kelu bele na maengke belere kena buhae hemmile ma Rare emekai bele henselena, Raei moisa hakombonde holonara yeisi raeiboi ban sele.

Matius 4:22

Hokolo bee na hibi hele na waka nukeiboke, nane merau naekore nukeinyeboke, Yesusre hakoinyekoke.

Matius 19:29

Nane merau ro miyae nde Raei ro aerene naei imae obe, naei aka baeke, ako nake, kelu omi, na buro kela nukewole, nebei kiyae raka rorele u maehae mbai (100) sele nebei rambun nukewolere enjarongkonde nane merau wali hena bona endowende.