Lukas 22:12 - Allahle a neme heteungekoke homofae

¹² Nebei rorele imae buma raka na wakun kaban honolebe mare kelenebobe. Rambun-rambun na hului sului nebeinye honate. Nebeinye mayae raman mokonnehabe.”

Lukas 22:12 Referans Kwoze

Kisah 1:13

Yerusalemde okate mo, nekewate imae bumana yowane yaeikiteke. Nebeinye arileufike ro nda niyae: Petrus, Yohanes, Yakobus, Andreas, Filipus, Tomas, Bartolomeus, Matius, Yakobus Alfeusle kelu, Simon (Zelot yae kaenainye kiyae), Yudas Yakobusle fa kayee.

Yohanes 2:25

Ro miyae naei u mekai mbemba mbemba Yesusre ehuweikoisebe, nebeibe ro miyae naei u mekai Yesus naeisaei. Rabuhine ban nebei ro miyae naei kena ei bele Yesus ninae isaeyeubokene.

Kisah 20:8

Imae raka bumana kayeene meyae riyare nekewande anuwaunge, i helen sele roraikoke bewate.

Yohanes 21:17

Yesus roko name nendobe Petrusre hineunge, “Simon Yohanesle kelu, weyae Rare kena buhae haerae?” Yesus nebei a ma roko name nendo hineungene, Petrus kena beko hele hubaunge. Petrus yae weunge, “Tuhan, nanemene waeisaei bangka mo. Reyae Ware kena buhae haewale naeise waeisaei.” Yesus yae weunge, “Raei domba u mekai wanen ro miyaere raman yeumile.

Lukas 22:11

Imae rorelere wennele, ‘Aei Tuhan mae riyele makei ijenne Rangkele Raei moisa orande yo bele nda ya kaban naei raman anemakonde?’

Lukas 22:13

Petrusle Yohanesle aloinyekoke ekete Yesus naei are eleukoke huluinye na ijenne bewate. Nebeinye hokolo bee Paskah raman mokoinyehake.