Lukas 15:20 - Allahle a neme heteungekoke homofae

²⁰ Na hibi kulun uke naekole bokore ewole. “Nahau buhaufa hele mewole naeko naei imaera roungeboke. Naeko naei kena buhae nekai sele kowounge, habeleumeke hahi yae roukeunge yoi bulu hunewounge.

Lukas 15:20 Referans Kwoze

Efesus 2:13

Mayae na bere Allahle wali nibi isian nekewaube yo. Nda hee Yesus Wali Ondofolo a huluinye nekaubene, Yesusle ha rileuboke yae mayae Allahle holona yore yaeuboke.

Efesus 2:17

Yesus Wali Ondofolo meke mayae Yahudi ro miyaere bele Yahudi ban ro miyae belere huwengkokembere. Neyae eleukoke bere Yahudi ro miyae Allah ro rowainye, Yahudi ban ro miyae Allahre onewainye. Nebei yoho bee yokeijo yae nekewate. Nda hee Yesusle me kelee u keleene nebei yoho bee na hului aka baeke wanen holo mbainye nekenainyendere.

Kisah 20:37

Kayeere molonate hee yae, Paulusre hahi yae ainyeboke rime nekai rimewainye.

Kisah 2:39

Allah nebei a heteungekoke mai foi naeise, mai orona mena foi naeise, nane merau ahaunge nekate ro miyae Allah yae emmikaenengkonde yo foi naeise.”

Lukas 15:19

Nebei aerene reyae waei fa yae eleikoi sului. Rare waei yebaei bubaei yae me baeufebonde.” ’

Lukas 15:21

“Nda fa naekore weunge, ‘Arai, Allahre nane merau ware beko nekai mokowabale. Rare na hului ban hele waei fa yae me ebaeufebondere.’