Lukas 10:34 - Allahle a neme heteungekoke homofae

³⁴ Nebeinye eke na uwana ba minyak bele, anggur bele yae kuyeungekoke, malo yae aweungekoke. Nebeisa nda Samariana ro naei keledai ranne nane ro haungeboke, yaweungehoke kolo yo honate imae mbaise ewote, nebeinye holewounge.

Lukas 10:34 Referans Kwoze

Roma 12:20

Nane merau nebei homofaene nda are moloukoke, “Mai yokeijo moni kondena, nare ramanbe yeungele anengkonde. Buki kondena, bu yeungele anensinde. Nebei u mekai yae eungemokondene wa yokeijo na yun ranne isenbe hayeungekokaene fe eungemokonde.”

1 Tesalonika 5:15

Kayaa hebembe, hiwa yo mare me u beko mokonayembena, nebei yore nebei me u hului mbai yae ebukeyeijae. Mayae relennembe me u foi mai holo einya yore mokommile, nane merau moi holona nekate yore bele mokommile.

Lukas 2:7

Meke, Kelube na kou eme yahi emera hongke. Maria rouke malone ruleufike. Kolo imae maemae koukokene, o hote kaban sapi yae domba yae ramande anate einye nekeunge.

Markus 14:8

Nda maengke naei mokouboke ma ninae mokouboke. Na ya namman mae Raei uwa molonaisehande naei bele minyak fololo foi yae ninae mokoungehake.

Lukas 10:33

Nebeisa, Samariana ro mbai kolore ewole nane nibi mbaisa mewole nebei robe erekeunge bae na kena beko bele hubawounge.

Lukas 10:35

Ya heuboke mo, nebei imaena rore roi perak hele bee yeungekoke mo weunge, ‘Nda rore foi yae holeungele. Benen roi naennaen helen nen mokoungekondena, reyae merele yare ware isete.’ ”