Lukas 10:22 - Allahle a neme heteungekoke homofae

²² “Maeko, rambun nemene ninae Raei me einye kinyeufeboke. Hi yae ha yae Reyae Allahle Kelure ro oroibo mo, Maeko nembai sele. Nane merau hi yae ha yae Maekore ro oroiboi mo, Reyae Na Kelu rembai sele, nane merau Reyae eleukokale wekamaele ro miyae na kena u einye Reyae Allahle naeise yakaremibonde.”

Lukas 10:22 Referans Kwoze

Matius 11:27

Yesus a weumi, “Raei Ako Allah nemene fomene Raei me einye kinyewoufe. Ro miyae hi yae ha yae Rare oroiboi Ako Allah nembai mo roufeboke. Nane merau hi yae ha yae Raei Ako Allahre oroiboi. Reyae na kelu nane merau Reyae elerebonde Akore yakaremibonde ro miyae bele mo Ako Allah royanne.

Yohanes 1:18

Ro miyae hi yae ha yae Allahre roko mbai ereiboi mo. Nebeibe Allahle Kelu mbai Naekole u mekai mbainye ekeinyekete Kiyae yae Allahlena abe aere yakaumeboke.

2 Yohanes 1:9

Yesus Wali Ondofolo yae kelewoumi a usaei waeisaei huluinye enekei ro miyae, Allah bele mbainye enekei. Nebeibe nde yae Wali Ondofolo yae keleumi a usaei waeisaei huluinye nekende kiyae, Ako Allah bele Na Kelu Yesus bele mbainye nekate.

2 Korintus 4:6

Allah nda a ukeunge, “Ouben nolora hehe naengkonde hele!” Allah are ukeunge huluinye yeuboke. Wali Ondofolore rore roumabonde naeise nebei Allah mbai aei kena u einye hehe naeumekoke. ((Nendahina Israel ro miyae Musale be yoinye kanewainye yae Allahle hehe eraiboke wanen eyae Wali Ondofolo elele are isaeimale yae Allahle nene waewae isaeimabonde.))

1 Yohanes 5:20

Nane merau eyae isaeyaendeboke Allahle Kelu meke, eyae Allah na hele no Kiyaere romambondere isaei ikeume. Aengkele Allah bele Na Kelu Yesus Wali Ondofolo bele Nangkele mbainye nekemale. Wali Ondofolo Kiyae Allah helebe yeuboke, ro miyaere wali hena bona yemmile.

Yohanes 17:26

Waei kena buhae Rare haerae wanen mbai nebei yore Weyae kena buhae heumile naeise nane merau Reyae naei kena u einye nekerele naeise, Arai, Wa ro nebei yore isaeyeumibokale nane merau isaeisemile.”

Yohanes 17:2

Rabuhine ban Weyae kinyewarae ro miyaere wali hena bona isemile naeise Weyae Rare elae ikarae ro miyae nemene fomene mere mokoremile.

Matius 28:18

Yesus nda yo bokore meungakeleufike mo weumi, “Allah Naei elae wake nane merau nda kani kelana elae wake nanemene hele Raei me einye kinyeufeboke.

Yohanes 13:3

Yesus naeisaei Naeko yae rambun nemene fomene Naei me kelee u keleene kinyeungekoke. Nane merau Neyae Allahlera nda kani kelare meke benen bukensinde Allahle bokore yae ende naeise Yesus naeisaei.

Yohanes 3:35

Ako Allah na Kelure kena buhae heunge, nane merau Ako Naei me einye u einye rambun yoni-yoni na Kelu me eise kinyewounge hakewounge.

Ibrani 2:8

Nane merau Weyae nuleubokae yoni-yoni naei me kelee u keleene orulenaibondere mokoumibokae.” Allah mokoumiboke rambun nemene fomene ro miyae naei me kelee u keleene nekenate, nebeibe nda hee rambun nemene fomene ro miyae naei me kelee u keleene nekatere eyae ijoko ereiboi.

Efesus 1:21

Walobo yoni-yoni bele malaikat yoni-yoni bele nane merau nda kani kelana ro miyaere mere ure ikilaiboke yoni-yoni bele holona nekate anuwaufa Yesus yae ekenekele anuwau ahau fele, buma hosoro. Nde maenin horo anuwau bumana nda heera fonde bena ya honoifoyolene, Yesusre kinyeungeboke anuwaufe nane merau ikeunge elae wakere hi yae ha yae ehameikoi sului.

1 Korintus 15:24

Nebeisa hubare mokonnele hee yae mere mokaimi yoni-yoni nanemene hele Wali Ondofolo yae beko mokommibondera, Nondofolo one hengko belebe Ako Allahle me ei u einye kinyennebonde.

Yohanes 17:10

Rare kinyewarae yoni-yoni Arai Waei bangka mo. Arai, Weyae mere mokamae holona Raei bangka mo. Nane merau nebei yo eisa Arai Rare hili hebarae.

Yohanes 17:5

Arai, nda kani kela omokoi heene Waei bene Reyae nene waewae bele hebewale. Nda hee Wa kendan wameran bene nebei nene waewae mbai bele yae buma kaeisebo.

Matius 11:25

A weumikoke baeufoke heera Yesus nda mekai yae Naekore weunge, “Arai, bumana anare ikileubokae Ako, Ware mbaibe buma kaewale. Helen foi wawale, rabuhine ban Waei ako faeuko no nanemene isaei bele hebaen bele ro miyae naeisa nunne raufikae, nebeibe fa-fa wanen ro miyae isaei ban hebaen ban yore keleumibokae.