Kolose 4:18 - Allahle a neme heteungekoke homofae

¹⁸ Reyae Paulus mare ro melaeyerembombe. Nda homo hubare mokorekondere raei me yae moloukokale. Bene nekenayembe reyae ha rinenaisekoke wanen mae namman kawane hebale. Reyae ebeli boyanale Allah mare kena buhae aere ban mae ei haungemembe.

Kolose 4:18 Referans Kwoze

Ibrani 13:3

Kawane ekaisebate ro miyae u bene nekenayembe, mangkele kawane hebaube wanen mae hubaungele. Nane merau weitasise kaimi ro miyaere u bene nekenayembe, mauware nebei weitasi kayembe ma yae hubaungele.

2 Timotius 4:22

Allahre reyae ebeli banale Yesus Wali Ondofolo waei kena u ei haungete, Naeinya kena buhae aere ban mae henete.

1 Timotius 6:21

Rabuhine ban ro miyae hiwa nebei are hakowaimine Wali Ondofolo Naei a elelere hila rabo halaetera wekate. Reyae ebeli banale Allah yae kena buhae aere ban mare henete.

1 Korintus 16:21

Nda mare ro melaeyerembe are reyae Paulus me yae moloukokale.

Ibrani 13:25

Reyae ebeli banale Allah kena buhae aere ban mae mare nemene henembe.

Titus 3:15

Rangkele nekande ro miyae ware ro melaeyaeyete. Nebeinya Yesusre hila rabo haleyainyene maere buhaere haeimele yore ro melaeyeumibonde. Reyae ebeli banale Allah mare kena buhae aere ban mae henemembe.

2 Timotius 1:8

Nebeinye aei Tuhan Yesus Naei a yakaiboi naeise fe ehubaijae. Allah aere hole moloumeboke nane merau kaeneumekoke u mekai yolo-yolo bele nekemayende. Aei me u foi mokandebokene ban, nana hesele Nenaeijae haraungeboke huluinye nane merau aere kena buhae aere ban mae hemmele aerene Allah nebei me u foi mokouboke. Nda kani kela omokoiboi heena Allah yae meraufe raungehike Yesus Wali Ondofolo aere na kena buhae aere ban mae hemmele. Nda hee Yesus Wali Ondofolo aei walilo meke, here elae ban mokoungeboke, nane merau Naei a foi faeu foi walora wali hena bona nibi yakaumeboke. Nda wanen mae Allah aere kena buhae hewoume. Nebei a foi faeu foi hufemiyenderene nane merau keleremiyenderene Allah rare eleufeboke naei abu akore yeubokale. Nebei aerene reyae beko hubanale nane merau kawane bele haeisekoke. Nebeibe reyae fere ehubai, rabuhine ban reyae Yesusre roungebokanale, Nare hila rabo halaenale. Reyae isaeyeubokale Naei kinyeufeboke hufemile Wali Ondofolole wali nibi are Yesus na hului hole molonnele, Neyae bensonde mende yane. Yesusle aerene rare kawana haeisekoke eraufene fe okoijae. Allahlena elae yae yeume walora reyae huwale wanen mbai, weyae Tuhan Yesusle a foi faeu foi huwele naendae wanen horo ro hi miyae hi beko mokonayete.

Filipi 1:7

Na ijen sele mai naei rei mai bele raei u benera nekenaisende, rabuhine ban reyae mare kena buhae heimeyamalene. Kawane hebale hee bele moinye nekewale hee bele Yesuslena a foi faeu foise hole molowanale nane merau a elae wamaele nebei a na hele yeuboke. Nebei mokale bele mayae nanemene rare hakowaufe. Allah rare kena buhae aere ban mae heyeufe wanen mbai Neyae mare heyembe.

2 Tesalonika 3:17

Mana, reyae Paulus, rembai nda ro melaei-melaeise raei me yae mo homo hubane mokanalene molale, raei homofae nemene molowale wanen mbai. Raei homo moloyale ma nda mekai.

Kolose 4:3

Maei naeise ebeli bonnembe Allah yae romau rawembonde Wali Ondofolole nunna honate a meyae na hului yakamakonde naeise. Nda hee Yesusle a huwewekalene reyae kawane hebale.

2 Korintus 13:14

Meyae ebeli bomande Tuhan Yesus Wali Ondofolo kena buhae aere ban mae henembe, Allah yae kena buhae u buhae henembe, nane merau Allahle Roh mare ei hawenemembe.

Roma 16:23

Gayus rare naei imaene ukeufe nekale kiyae nane merau nebei imaene arileisiyate jemaatna ro miyae nemene mare ro melaeyayembe. Erastus nda yona roi mere ikileuboke kiyaele aei aka baeke Kwartusle mare ro melaeyayembe.

Roma 16:20

Allah rei mai yeumi Kiyae na heki ban walobo yun kiyaele elae mohennebondera mai oro keleene menerulensinde. Reyae ebeli banale Tuhan Yesus Wali Ondofolo yae mare kena buhae aere ban mae henembe.

Roma 16:22

Reyae Tertius, Paulus naeise nda homore moloukokale kiyae, aei Tuhanbe eisa mare ro melaeyamale.