Kisah 9:6 - Allahle a neme heteungekoke homofae

⁶ Mana ainyu Damsyik yore eyeisi. Weyae mokoubonde rambun nebei yone ungayekote.”

Kisah 9:6 Referans Kwoze

Kisah 22:10

“Nebeisa benen reyae hinanale, ‘Tuhan, rahebe naei sele reyae mokorebonde?’ “Tuhan mae weufe, ‘Ainyu Damsyik yore eye. Allah naei kenare kole weyae mokole rambun nebeinye ro hi yae ware ungete.’

Kisah 26:16

Ainyu! Ware ranereuwende Raei yebaei bubaei yeubondere Raei uwa mana ya ware kelereibote. Mana yara Rare erarae nane merau bena ya honoifoyolene ware kelerewende, weyae ro miyaere huweumiyende.

Filipi 2:12

Reyae buhaere haemale aka baeke, mai u nolo u kainye namman nekewekale hee bele nda hee ahaunge nekale bele, Wali Ondofolole a elelere mayae hakoyaube ma mbai Allah Elaelo Wakelore hubara haeisa yanaungene, Wali Ondofolole wali hena bona wali nibi are na hibi-hibi relenembe hakomembe.

Roma 10:20

Nane merau Allahle yendo kayaalo Yesaya be rabuleuboke yae Allah a eleukokere moloukoke: “Rare ebaei ro miyae yae Rare hangkaisele. Nane merau Raei uwa naeise a ehineyei ro miyaere Raei uwa yakaumibokale.”

Roma 10:3

Naei kobu huluinye wali himalainyeboke yo yae Allah me baemmile nibi isaeinyatere kena okoinye, nane merau naei kena kate huluinye wali himaloiboise nibi baewatene Allahlena wali himaloiboi nibi neme a huluinye ehakoiboi.

Roma 7:9

Na bere hele nebei wali heere foloukoke a isian mae nekewekale. Nebeibe ya mbai reyae isaeyeubokale Musale walora wali heere foloukoke homone nda a moloukoke, “Hiwa yo naei rambunde rowelere kena haehae okoijae.” Nebei hee reyae isaeyeubokale me u beko mokoimeyale nane merau Allah bele wahendekoke.

Roma 5:20

Ro miyae u mekai beko emekai bele mokonate belene, Allah yae Musale walora wali heere foloukoke a ikeumi. Na bere ro miyae nanemene u mekai beko mokowatene Allah bele wahaeikoke herewate wanen mbai, nda hee Allah ro miyaere kena buhae aere ban mae heyeumi aerene na hului Wali Ondofolo Naei a elelere hila rabo halaeinye walora wali himalainyeboke yo yae me baemmile, nane merau wali hena bona u mekai enainyehubande naeise nebei u mekai beko emekai bele mokate ro miyaebe Allah na hului kena buhae aere ban mae heumi.

Kisah 10:32

Nebei aerene mana ro hiwa weumile Yope yore enate Simon obo yoku rare hale kiyaele imae buhaeinye ekehebelene ekenekele. Ro mbai na ro Simon Petrus ungainyele ndare mende.’

Kisah 10:22

Hokolo name yae wainye, “Fela yunde hebele kiyae Kornelius yae maere ukeume ndare mekande. Neyae ro mbai na wali himaloungeboke nane merau Allahle are hubara haeisa yaneyeunge. Yahudi ro miyae nemene nare ereibo kaneibo koyainye, naei ebeli Allahre bowounge Allah wo koungekokene. Allah Na malaikat yae meke, Korneliusre ukeunge ware rinyeufinde naei imaere elere. Malaikat yae ukeunge waeinya a faeu elelere Kornelius borombondere.”

Kisah 10:6

Simon obo yoku rare hale kiyaele imae buhaeinya ekehebelene Simon Petrus ekenekele.”

Kisah 2:37

Nebeinye hebate ro miyae nda a borokatene, na kena beko bele hubawainye. Petrus bele abu ako hiwa belere hinewaimi, “Aka naei baeke naei, rahebe meyae mokomabonde?”

Lukas 3:10

Nebei ro miyae yae Yohanesre hinainye, “Nebei uwana rahebe meyae mokomabonde?”

Matius 19:30

Nebeibe rore rowaimi ro miyae helen Allahle bene ro ban inyaibonde. Nane merau nda hee ro ban nekate ro miyae helen ro bele inyaibonde.”

Yakobus 4:6

Nebeibe Allah kena buhae aere ban mae heumekoke na elae bele, mai kena u elae ban. Nebei aerene Allahle homofae nda wanen molaikoke, “Ro miyae uware kaeyate embei aikore koyate yore Allah wali ehekaei ijewoumi, nebeibe kena u ane nihaeinyehike nekate ro miyae Allah kena buhae aere ban mae hemmikonde.”

Kisah 9:5

Saulus yae hineunge, “Tuhan, Weyae wende?” Beungehoke weunge, “Reyae Yesus, weyae weitasire koimeyarae Kiyae.